يسپانيادا اسكەري ۇشاق Coca-Cola زاۋىتىنىڭ ۇستىنە قۇلادى

استانا. 9 مامىر. يسپانيانىڭ سەۆيليا قالاسىندا Airbus A400M اسكەري-تاسىمالداۋ ۇشاعى Coca-Cola زاۋىتىنىڭ ۇستىنە قۇلادى. بۇل تۋرالى تاسس حابارلادى. اۋە كەمەسى اسپانعا كوتەرىلگەننەن كەيىن كوپ ۋاقىت وتپەي-اق اپاتقا ۇشىراعان. كۋاگەرلەردىڭ ايتۋىنشا, ۇشاق جەرگىلىكتى ۋاقىت بويىنشا 13:00-دە (استانا ۋاقىتى بويىنشا 17:00) Coca-Cola زاۋىتىنىڭ اۋماعىنا بارىپ قۇلاعان. قازىرگى تاڭدا ۇشقىش پەن بورتتا قانشا ادام بولعاندىعى تۋرالى ناقتى مالىمەت جوق. Airbus A400M جوباسى 2003 جىلى پايدا بولعان. ۇشاقتىڭ قۇنى – 25 ملرد. ەۋرو. اۋە كولىگى 2011 جىلى وندىرىسكە شىعارىلعانىمەن, ونى تۇراقتى پايدالانۋ تەك 2013 جىلدان باستالعان. ۇشاق ەكيپاجى 2-4 ۇشقىشتى قۇرايدى. ال جولاۋشىلار سانى 120-عا دەيىن جەتەدى. پايدالى سالماقتى جۇگى – 37 توننا. Airbus Military كومپانياسى بۇل كورسەتكىشتى ءبىر جىلدا بىرنەشە ەسەگە كوبەيتۋدى جوسپارلاپ وتىر. ەلامان قوڭىر. دەرەك, سۋرەت: تاسس.