ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, 2024 جىلى 96,9 مىڭنان استام ءوتىنىم قاشىقتان قارالعان. بۇل سول جىلى مۇگەدەكتىك ءۇشىن كۋالاندىرىلعان ازاماتتاردىڭ جالپى سانىنىڭ 37,4%-ىن قۇرايدى.
پرەزيدەنت ۇلتتىق قوعامدىق سەنىم كەڭەسىنىڭ VI وتىرىسىندا مۇمكىندىگى شەكتەۋلى ازاماتتاردىڭ مەكەمەلەرگە سابىلىپ بارۋىن, ارتىق قۇجات جيناتۋ مەن تىكەلەي بايلانىسقا جول بەرۋدى ازايتۋ قاجەتتىگىن اتاپ وتكەن ەدى.
«وسى تاپسىرمانى ورىنداۋ ماقساتىندا قر ەڭبەك جانە حالىقتى الەۋمەتتىك قورعاۋ مينيسترلىگى دەنساۋلىق ساقتاۋ مەن تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىكتەرىمەن بىرلەسىپ قازاقستاننىڭ بارلىق 20 وڭىرىندە قاناتقاقتى رەجيمدە مەديتسينالىق-الەۋمەتتىك ساراپتاما (بۇدان ءارى – ءماس) جۇرگىزۋدىڭ سىرتتاي فورماتى بويىنشا جوبانى ىسكە اسىرىپ جاتىر», دەلىنگەن حابارلامادا.
سىرتتاي كۋالاندىرۋ فورماتىنا كوشۋ:
- ارتىق اكىمشىلىك راسىمدەردى قىسقارتادى;
- ساراپتامالىق شەشىمدەردىڭ اشىقتىعىن ارتتىرادى;
- الەۋمەتتىك قورعاۋ قىزمەتتەرىن ۇيدەن شىقپاي الۋعا مۇمكىندىك بەرەدى;
- قىزمەت الۋشى مەن قىزمەت كورسەتۋشى اراسىنداعى تىكەلەي بايلانىستى بولدىرماي, سىبايلاس جەمقورلىق تاۋەكەلدەرىن تومەندەتەدى.
