وبلىستىق پوليتسيا دەپارتامەنتىنىڭ اعا ينسپەكتورى دۋلات ورازعاليەۆتىڭ مالىمەتىنە سۇيەنسەك, ءتورت ت ۇلىكتى قاراۋسىز جىبەرگەن تۇرعىندار اكىمشىلىك قۇقىق بۇزۋشىلىق تۋرالى كودەكسىنىڭ 408-بابىمەن جاۋاپكەرشىلىككە تارتىلادى.
«بىلتىر اتىراۋ وبلىسىندا ءۇي جانۋارلارىن باعۋ قاعيداتىن بۇزعاندارعا 554 حاتتاما تولتىرىلعان ەدى. ال بيىل زاڭ تالابىن ساقتاماندارعا 790 اكىمشىلىك حاتتاما تولتىرىلدى. قاراۋسىز جۇرگەن مالدىڭ كەسىرىنەن وزگە تۇلعالاردىڭ مۇلكىنە زالال كەلتىرىلسە, يەلەرى اكىمشىلىك جاۋاپكەرشىلىككە تارتىلادى. شىعىندى تولىق كولەمدە وتەيدى», دەيدى دۋلات ورازعايەۆ.
ونىڭ ايتۋىنا قاراعاندا, پوليتسەيلەر كۇن سايىن قاراۋسىز مالدى انىقتاۋ ءۇشىن بەينەباقىلاۋ قۇرالدارى مەن دروندى پايدالانادى. تۇرعىنداردىڭ حابارى نازارعا الىنادى. سونداي-اق, «بەلسەندى ازاماتتار 06» Telegram چاتىنا تۇسكەن شاعىمدارعا مونيتورينگ جۇرگىزىلەدى.
