فوتو: اشىق دەرەككوز
ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا «دامۋ» كاسىپكەرلىكتى دامىتۋ قورى» اق باسقارما توراعاسىنىڭ ورىنباسارى تالعات سماعۇلوۆ بيىلعى قولداۋ شارالارى تۋرالى مالىمەت بەردى. ونىڭ ايتۋىنشا, قور مەملەكەتتەن ءىرى كولەمدە سۋبسيديالاۋدى قاجەت ەتەتىن مودەلدەن باس تارتقان.
«وسى جىلى ءبىز ەكى كەپىلدىك قورىن «دامۋ» بازاسىندا قۇردىق. كاسىپكەرلەر ءۇشىن ەڭ ماڭىزدى مىندەت – جەتكىلىكسىز كەپىلزات پروبلەماسىن شەشۋ. ەگەر كاسىپكەرلەرگە تولىق كەپىل بولماسا, بانك تاۋەكەلدىڭ ءبىر بولىگىن «دامۋدىڭ» كەپىلدىگى ارقىلى شەشىپ, كاسىپكەرگە نەسيە بەرۋ مۇمكىندىگى تۋادى. ناتيجەسىندە 700 ملرد تەڭگەدەن استام نەسيە بەرىلدى. ونىڭ ىشىندە قور بەرگەن كەپىلدىكتىڭ مولشەرى 447 ملرد تەڭگەگە جەتتى. بۇل ناتيجە وتكەن جىلمەن سالىستىرعاندا 158%-عا ارتتى», دەدى تالعات سماعۇلوۆ.
ءبىرىنشى كەپىلدىك قورى ايتارلىقتاي ناتيجەلەر كورسەتتى: 383 ملرد تەڭگە كولەمىندە نەسيە بەرىلگەن, ونىڭ 212 ملرد تەڭگەسى «دامۋ» قورى ارقىلى باعىتتالدى.
بۇرىن كەپىلدىك قورىنىڭ رەزەرۆى تەك مەملەكەتتىك بيۋدجەتتەن قارجىلاندىرىلسا, قازىر جارنا كولەمى ۇلعايىپ, قارجىلاندىرۋ كوزدەرى كەڭەيدى. ەكىنشى دەڭگەيلى بانكتەر مىندەتتى جارنالار قۇيادى, قارجى ينستيتۋتتارى ەرىكتى جارنالار تولەيدى. سونىمەن قاتار كاسىپكەرلەردىڭ كوميسسيالارى مەن قوردىڭ ءوز قاراجاتى بار.
كەپىلدىكتەر پورتفەلدىك تاسىلمەن راسىمدەلەدى. ياعني, بانك وڭ شەشىم قابىلداعاننان كەيىن «دامۋ» قورى ەكى جۇمىس كۇنى ىشىندە شەشىم شىعارادى.
