رەسەيلىك ارىپتەستەرمەن اڭگىمە

جۋىردا سەناتتىڭ الەۋمەتتىك-مادەني دامۋ كو­ميتەتىنىڭ توراعاسى اقان بيجانوۆتىڭ رەسەي فەدەراتسياسى فەدەرالدى جينالىسى فەدەراتسيا كەڭەسىنىڭ دەپۋتاتتارى ۆيكتور گلۋحيح پەن ۆلا­ديمير ليتيۋشكينمەن كەزدەسۋىندە پارلامەن­تا­رالىق ىنتىماقتاستىقتى ودان ءارى نىعايتۋ ماسەلەلەرى ءسوز بولدى. كەزدەسۋ بارىسىندا ەكى مەملەكەتتىڭ زاڭ شى­عا­رۋ ورگاندارىنىڭ جوعارعى پالاتالارى ارا­سىن­داعى ءوزارا ءىس-قيمىلدىڭ جوعارى دەڭگەيى اتاپ وتىلە كەلىپ, پارلامەنتارالىق بايلانىستاردى ودان ءارى تەرەڭدەتۋ قاجەتتىگى جونىندە اڭگىمە قوزعالدى. كوميتەت باسشىسىنىڭ ايتۋىنشا, سەنات پەن فەدەراتسيا كەڭەسى اراسىندا دوستىق جانە ىسكەر­لىك تۇرعىسىنداعى قارىم-قاتىناستار قالىپ­تاس­تى. پارلامەنتارالىق ىنتىماقتاستىق توپتارى بەلسەندى جۇمىس ىستەپ كەلەدى. ا.بيجانوۆ فەدە­راتسيا كەڭەسى مۇشەلەرىن كەدەن وداعى جونىندەگى زاڭنامالىق بازانى قالىپتاستىرۋ جونىندەگى جۇمىستار تۋرالى دا حاباردار ەتتى. ۆ.گلۋحيحتىڭ پىكىرىنشە, ەكىجاقتى قاتىناس­تار­دا پارلامەنتتىك مازمۇن ماڭىزدى باعىت بولىپ تابىلادى. “زاڭنامالاردى نىعايتۋ جونىندەگى بىرلەسكەن جۇمىستار قازاقستان-رەسەي ىنتى­ماق­تاستىعىنىڭ الەۋەتىن جۇزەگە اسىرۋدا زور ما­ڭىزى بار”, – دەپ اتاپ ءوتتى رەسەيلىك دەپۋتات.