فوتو: اشىق دەرەككوز
قاۋىپسىزدىك قىزمەتىنىڭ باسشىسى كريس تاننىڭ ايتۋىنشا, ىزدەۋ جۇمىستارى تولىق اياقتالعان. جەدەل شتابتىڭ مالىمەتىنە سايكەس, شامامەن 200 ادام ءىز-ءتۇسسىز جوعالىپ كەتكەن, كەم دەگەندە 79 ادام ءتۇرلى جاراقات العان.
«قازىر ءبىزدىڭ نەگىزگى مىندەتىمىز – عيمارات ىشىندەگى تەمپەراتۋرانى تومەندەتۋ. ماماندار نىساننىڭ قاۋىپسىز ەكەنىن راستاعاننان كەيىن پوليتسيا دالەلدەر جيناۋعا جانە تەرگەۋگە كىرىسەدى», دەدى كريس تان.
Reuters مالىمەتىنشە, بريفينگ كەزىندە بيلىك وكىلدەرى ءورت شىققان عيماراتاعى دابىل جۇيەلەرى دۇرىس جۇمىس ىستەمەگەنىن مالىمدەدى. سونداي-اق, قايتىس بولعانداردىڭ ءبىر بولىگىنىڭ جەكە باسى ءالى انىقتالماعانى ايتىلدى. قۇتقارۋ جۇمىستارىنا شامامەن 1 مىڭ پوليتسەي جۇمىلدىرىلعان. نىسانداردان 108 ادامنىڭ ءمايىتى تابىلىپ, تاعى تورتەۋى اۋرۋحانادا العان جاراقاتتارىنان كوز جۇمعان.
رەسمي اقپاراتقا سۇيەنسەك, ءورتتى ءسوندىرۋ بارىسىندا 12 ءورت ءسوندىرۋشى جاراقات العان, ولاردىڭ ءبىرى اۋىر حالدە جاتىر.
بۇعان دەيىن قالا بيلىگى ورتكە بايلانىستى ابايسىزدا كىسى ءولتىرۋ كۇدىگىمەن ءۇش ادامدى ۇستاعانىن حابارلاعانىن جازعان ەدىك. تەكسەرۋ بارىسىندا عيماراتتىڭ سىرتقى قاباتىندا وتقا ءتوزىمسىز ماتەريالدار قولدانىلعانى انىقتالدى.
