گەرت ۆيلدەرس پايعامبار كاريكاتۋرالارى كورمەسىن وتكىزبەكشى

استانا. 9 مامىر. گوللانديانىڭ بەلگىلى ساياساتكەر-يسلاموفوبى گەرت ۆيلدەرس پارلامەنتتە مۇحاممەد پايعامبارعا ارنالعان كاريكاتۋرالاردىڭ كورمەسىن وتكىزۋگە دايىن ەكەنىن مالىمدەدى. بۇل تۋرالى Al Arabiya حابارلادى. «مەن پارلامەنتتەن گارلەندتە قويىلعان كاريكاتۋرالار كورمەسىن وتكىزۋگە رۇقسات سۇراعالى وتىرمىن», - دەدى ۆيلدەرس. ول مۇندا جاقىندا تەحاستا وتكەن شارا تۋرالى ايتىپ وتىر. ونىڭ سوڭىندا ەكى ەكسترەميست شارانى ۇيىمداستىرۋشىلارعا شابۋىل جاساعان بولاتىن. 51 جاستاعى گەرت ۆيلدەرس وندا پامەلا گەللەردىڭ شاقىرۋىمەن بارىپ, اسالعان شابۋىل كونفەرنتس-زالدا بولعان ەدى. بىراق ەكسترەميستەر كەلەردەن ءسال بۇرىن ول جەردەن كەتىپ قالعان ەكەن. «ءبىز ەشكىمنەن دە قورىقپايتىنىمىزدى كورسەتۋىمىز كەرەك», - دەدى ساياساتكەر-يسلاموفوبيست وسىعان وراي. ول ءوزىنىڭ سوزىندە قۇراندى «فاشيستەر كىتابى» دەپ اتاپ, مۇسىلمانداردىڭ قاسيەتتى جازباسىن گيتلەردىڭ مەمۋارلارىمەن سالىستىردى. مۇرات ايتقوجا. دەرەك, سۋرەت: Al Arabiya.