Associated Press اگەنتتىگىنىڭ حابارلاۋىنشا, پرەزيدەنتتىك سارايدىڭ كىتاپحاناسىندا وتكەن باسقوسۋدا پاپا تۇركيانى الەمدەگى تۇراقتىلىق پەن ديالوگتىڭ تىرەگى بولۋعا شاقىردى. ءوز سوزىندە XIV لەۆ تۇركيانىڭ تاريحي ءرولىن جوعارى باعالاپ, ونى «شىعىس پەن باتىستى بايلانىستىراتىن كوپىر, دىندەر مەن مادەنيەتتەر توعىسقان مەكەن» دەپ اتادى.
ەردوعان ءوز كەزەگىندە الەمدەگى مۇسىلماندارعا قاتىستى كەمسىتۋشىلىككە نازار اۋدارىپ, پوپۋليستىك ساياساتكەرلەر مەديا جانە الەۋمەتتىك جەلىلەر ارقىلى ءورشىپ وتىرعانىن ايتتى.
سونداي-اق ول پاپانىڭ ستامبۇلداعى كوك مەشىتكە بارۋ نيەتىن مۇسىلمان قاۋىمىمەن كونسترۋكتيۆتى بايلانىس ورناتۋ قادامى رەتىندە قۇپتادى.
انكارا ساپارى بارىسىندا پونتيفيك قازىرگى تۇركيانىڭ نەگىزىن قالاۋشى مۇستافا كەمال اتاتۇرىكتىڭ كەسەنەسىنە زيارات ەتتى. 28 قاراشا كۇنى XIV لەۆ ستامبۇلداعى كاتوليك شىركەۋىنە, حوسپيسكە جانە ۆاتيكان وكىلدىگىنە بارماق. ودان كەيىن ول يزنيك قالاسىنا جول تارتىپ, نيكەي سوبورىنىڭ 1700 جىلدىق مەرەيتويىنا قاتىسادى. بۇدان كەيىن پونتيفيكتىڭ شەتەل ساپارى ليۆاندا جالعاسادى.
