اتىراۋ وبلىستىق سوتىنا توراعا تاعايىندالدى

اتىراۋ. 20 اقپان. جوعارعى سوت توراعاسى قايرات ءمامي پرەزيدەنت جارلىعىمەن اتىراۋ وبلىستىق سوتىنىڭ توراعاسى بولىپ تاعايىندالعان مارعۇلان بەكتۇرعانوۆتى ۇجىمىنا تانىستىردى. بۇل تۋرالى egemen.kz ءتىلشىسى حابارلادى. م. بەكتۇرعانوۆ 1969 جىلى تۋعان. ءال-فارابي اتىنداعى قازاق ۇلتتىق ۋنيۆەرسيتەتىن «قۇقىقتانۋشى» ماماندىعىمەن بىتىرگەن. ەڭبەك جولىن 1986 جىلى قازاق عىلىمي-زەرتتەۋ ينستيتۋتىنىڭ سوت-ساراپتاماسىنىڭ ساراپشىسى بولىپ باستاعان. 1989-1995 جىلدارى الماتى قالاسىنداعى لەنين, فرۋنزە اۋداندىق سوتتارىندا سوت ورىنداۋشىسى قىزمەتىن اتقارعان. سونان سوڭ الماتى قالالىق جانە اقتوبە وبلىستىق ادىلەت باسقارمالارىنىڭ باس مامانى, 2001 جىلعا دەيىن اقتوبە وبلىسى, مۇعالجار اۋداندىق سوتىنىڭ جانە اقمولا وبلىسى قورعالجىن اۋداندىق سوتىنىڭ توراعاسى بولعان. ال 2005 جىلعا دەيىن استانا قالالىق مامانداندىرىلعان اۋدانارالىق ەكونوميكالىق سوتىنىڭ سۋدياسى, 2005-2015 جىلدارى ماڭعىستاۋ وبلىسىندا مامانداندىرىلعان اۋدانارالىق ەكونوميكالىق سوتىنىڭ توراعاسى, وبلىستىق سوتتىڭ ازاماتتىق ىستەر جونىندە القانىڭ جانە وبلىستىق سوتتىڭ كاسساتسيالىق سوت القاسىنىڭ توراعاسى قىزمەتىن اتقارىپ, وسى تاعايىنداۋعا دەيىن جامبىل وبلىستىق سوتىنىڭ توراعاسى لاۋازىمىندا بولىپتى. جوعارعى سوت توراعاسى مارعۇلان بەكتۇرعانوۆتىڭ سوت سالاسىندا تولىمدى تاجىريبەسى بارلىعىنا, ءلىمىزدىڭ بىرقاتار وبلىستارىندا اۋداندىق سوتتارعا, ماڭعىستاۋ وبلىسىندا ەكونوميكالىق سوتقا, ازاماتتىق ىستەر جونىندەگى جانە, كاسساتسيالىق سوت القالارىندا توراعالىق ەتكەنىنە توقتالدى. سونىمەن بىرگە, جامبىل وبلىستىق سوتىنىڭ جۇمىسىن وبلىستىق سوتتار رەيتىنگىندە ءۇشىنشى ورىنعا كوتەرگەنىن ايتىپ, اتىراۋ وبلىستىق سوتىن باسقارۋدا دا وسىنداي تابىسقا جەتەرىنە سەنىم ءبىلدىردى. جولداسبەك شوپەعۇل. دەرەك, سۋرەت: egemen.kz.