South China Morning Post باسىلىمىنىڭ جازۋىنشا, قۇتقارۋشىلار ءالى دە ءىز-ءتۇزسىز جوعالعانداردى ىزدەپ جاتىر. ورتتەن امان قالعان ءبىر ادام عيماراتتىڭ باسپالداق الاڭىنان تابىلعان.
وقيعا بويىنشا بەلگىلى دەرەكتەر:
- 83 ادام قازا بولدى, ولاردىڭ قاتارىندا 1 ءورت ءسوندىرۋشى بار.
- 76 ادام جاراقات العان, ونىڭ ىشىندە 11 ءورت ءسوندىرۋشى بار.
- قۇتقارۋ قىزمەتى 50 شاقىرتۋعا ءالى جەتە الماي جاتىر.
- ايەل, قارت ەر ادام جانە بىرنەشە ءۇي جانۋارى ەۆاكۋاتسيالاندى.
- كەشەندەگى سەگىز تۇرعىن بلوك شىلدە 2024 جىلدان بەرى جوندەۋدە, عيماراتتار بامبۋك قۇرىلىمدارىمەن جانە جاسىل تورلارمەن قاپتالعان.
- ءورتتىڭ جىلدام تارالۋىنا جوندەۋ كەزىندە قولدانىلعان جانعىش پەنوپوليستيرول سەبەپ بولعانى حابارلاندى.
- ۇكىمەت ءورتتىڭ ناقتى سەبەبىن انىقتاۋ ءۇشىن قىلمىستىق تەرگەۋ باستادى.
- جوندەۋ جۇمىستارىن جۇرگىزگەن كومپانيانىڭ ەكى ديرەكتورى مەن كەڭەسشىسى ۇستالدى. ولارعا ابايسىزدا كىسى ءولتىرۋ بابى بويىنشا ايىپ تاعىلعان.
- سونداي-اق 330 ملن گونكونگ دوللارىنا جاسالعان جوندەۋ جۇمىستارىنا قاتىستى سىبايلاس جەمقورلىق تەرگەۋى ءجۇرىپ جاتىر.
- پوليتسيا سونداي-اق كەشەندى باسقاراتىن باسقارۋشى كومپانيا كەڭسەلەرىندە ءتىنتۋ جۇرگىزۋدە.
- ءۇش 31 قاباتتى عيماراتتىڭ جوعارعى قاباتتارىندا ءورت ءالى جانىپ جاتقانىمەن, جالىن جالپى باقىلاۋعا الىنعان.
- اۋرۋحانالاردا 56 ادام ەم الىپ جاتىر, 45 ادام اۋىر حالدە جاتىر.
- 300-گە جۋىق ادام ءىز-ءتۇزسىز جوعالىپ كەتكەن.
- ءورت سەگىز كوپقاباتتى ءۇيدىڭ جەتەۋىندە اۋىزدىقتالدى, بىراق ءۇش عيماراتتىڭ ۇستىڭگى قاباتتارىندا ءالى جانىپ جاتىر
- ءورتتى ءسوندىرۋ ءۇشىن 28 قۇتقارۋ توبى جۇمىس ىستەپ جاتىر.
قۇتقارۋ جۇمىستارى توقتاعان جوق. بيلىك ءورتتىڭ نەدەن باستالعانىن جانە جوندەۋ جۇمىستارى كەزىندە قاۋىپسىزدىك تالاپتارىنىڭ ساقتالعان-ساقتالماعانىن انىقتاپ جاتىر.
