قىزمەت بيىل قىركۇيەكتە ىسكە قوسىلعان. قازىرگى تاڭدا بىرىڭعاي QR-عا 6 قازاقستاندىق بانك قوسىلدى. جۇيە ارقىلى كەز كەلگەن بانكتىڭ قوسىمشاسىنان تولەم جاساۋعا بولادى. بۇل بيزنەسكە بىرنەشە تەرمينال ۇستاۋدىڭ قاجەتى جوق ەكەنىن, ال قولدانۋشىلار جابدىقتاردىڭ ءبىر-بىرىمەن ۇيلەسىمدىلىگىنە تاۋەلدى بولمايتىنىن بىلدىرەدى. دەرەكتەردىڭ قاۋىپسىزدىگى قوسارلانعان شيفرلاۋ ارقىلى قورعالعان.
ماماننىڭ ايتۋىنشا, كەلەسى جىلى بارلىق قارجى ۇيىمدارىن بىرىڭعاي ءموبيلدى تولەم جۇيەسىنە تولىق قوسۋ جوسپارلانىپ وتىر. ال ترانسشەكارالىق تولەمدەردى 2026 جىلدىڭ سوڭىنا دەيىن اشۋ كوزدەلگەن. بۇل قازاقستاندىقتاردىڭ شەتەلدە تولەم جاساۋىن جەڭىلدەتىپ, ەلگە كەلەتىن تۋريستەر ءۇشىن دە قولايلى بولماق.
قازىر تۇركيا جانە تايلاندپەن كەلىسىمدەر پىسىقتالىپ جاتىر. سونىمەن قاتار, ءتورت ەلمەن – قىتاي, ءۇندىستان, قىرعىزستان جانە باا ترانسشەكارالىق QR تولەمدەرىنە قاتىستى تەحنيكالىق جانە قۇقىقتىق تالداۋ جۇرگىزىلۋدە.
ء«بىز ءدال قازىر ترانسشەكارالىق بانكارالىق QR-كود بويىنشا تولەمدەردى ىسكە قوسۋ باعىتىندا جۇمىستى باستادىق. تالداۋ ناتيجەسى بويىنشا ەل تۇرعىندارى ەڭ كوپ باراتىن جانە بىزگە ەڭ كوپ تۋريست كەلەتىن ءتورت ەل – قىتاي, ءۇندىستان, قىرعىزستان جانە ءباا نەگىزگى باعىت رەتىندە بەلگىلەندى», دەدى رايىمبەك شايمەردەنوۆ.
