امەريكادا قالا مەرىنىڭ ورىنتاعى ءۇشىن تالاسقا دوڭىز دا قوسىلدى

استانا. 9 مامىر. امەريكانىڭ ميچيگان شتاتىنداعى فلينت قالاسى مەرى لاۋازىمىنا ۇمىتكەرلەر تىزىمىندە گيگگلز نىسپىلى دوڭىز, ياعني شوشقا دا پايدا بولدى. بۇل تۋرالى CBS Detroit باسىلىمى حابارلادى. اقپارات قۇرالىنىڭ حابارلاۋىنشا, قورسىلداق جانۋار تىزىمگە جەرگىلىكتى ادۆوكات مايكلا يۋينگا (Michael Ewing) ارقىلى ەنگىزىلگەن. ول سايلاۋالدى جارىسقا بۇرىن زاڭ بۇزىپ, سوت جۇزىندە جازا العان ەكى ادامنىڭ قوسىلعانىن كورگەننەن كەيىن بۇلاردىڭ قاتارىنا شوشقانىڭ دا قوسىلۋىنا ءبىراز ەڭبەك سىڭىرگەن. ال اتالعان كانديداتتاردىڭ ءبىرى بۇدان الدىن كىسى ولتىرگەنى ءۇشىن تۇرمەگە وتىرىپ شىققان بولسا, ەكىنشىسى ماس كۇيىندە كولىك جۇرگىزىپ كەلە جاتىپ, ۇستالىپ قالعان ەكەن. «مەنىڭشە, كىسى ولتىرگەن ادامنىڭ قالا مەرى بولۋعا مۇمكىندىك الۋىنىڭ ءوزى فلينتتەگى قازىرگى احۋالعا بايلانىستى دابىل كوتەرۋگە تۇراتىن جاعداي», - دەدى يۋينگ ءوز شەشىمى تۋرالى ءتۇسىندىرىپ تۇرى. ادۆوكات سونىمەن بىرگە, باسقا كانديداتتارعا قاراعاندا, گيگگلزدىڭ اقىلدى دا سۇيكىمدى جانۋار ەكەنىن اتاپ ءوتتى. قۇرىش نۇرىمبەت. دەرەك, سۋرەت: CBS Detroit.