ينۆەستيتسيالىق بانك JPMorgan الداعى جىلدارى باعانىڭ بۇدان دا قاتتى قۇلدىراۋى مۇمكىن ەكەنىن ەسكەرتتى. ساراپشىلاردىڭ بولجامىنشا, الەمدىك نارىقتا ۇسىنىستىڭ سۇرانىستان ايتارلىقتاي جىلدام ءوسۋى قۇرىلىمدىق تەڭسىزدىك قالىپتاستىرىپ وتىر.
JPMorgan مالىمەتىنە سايكەس, 2025-2026 جىلدارى مۇنايعا دەگەن سۇرانىس وسىمىنە قاراماستان, ۇسىنىس ءۇش ەسە جىلدامىراق ۇلعايادى. بۇل جاعداي نارىقتا ارتىق مۇنايدىڭ جينالۋىنا الىپ كەلەدى. بانكتىڭ ەسەبىندە 2026 جىلى Brent باعاسى باررەلىنە 60 دوللاردان تومەندەۋى مۇمكىن, جىل سوڭىنا قاراي 50 دوللارعا دەيىن ءتۇسۋ ىقتيمالدىعى ايتىلعان.
2027 جىلى ورتاشا باعا 42 دوللار شاماسىندا بولۋى مۇمكىن, ال جىل سوڭىندا 30 دوللارعا دەيىن تومەندەيتىن ستسەناري قاراستىرىلعان.
ساراپشىلاردىڭ باعالاۋى بويىنشا, ۇسىنىس ارتىعى 2026 جىلى تاۋلىگىنە 2,8 ملن باررەلگە, 2027 جىلى 2,7 ملن باررەلگە دەيىن جەتۋى مۇمكىن.
ءوسىمنىڭ نەگىزگى بولىگى وپەك+ قۇرامىنا كىرمەيتىن وندىرۋشىلەرگە, سونىڭ ىشىندە اقش-قا تيەسىلى.
JPMorgan بۇل بولجام جوعارى ۇسىنىس اياسىندا نارىقتىڭ تەپە-تەڭدىگى ساقتالماعان جاعدايدا ورىن الۋى مۇمكىن دەپ اتاپ ءوتتى.
