باس پروكۋرور اقش-تا ماڭىزدى كەزدەسۋ وتكىزدى

استانا. 20 اقپان. باس پروكۋرور اسحات داۋىلباەۆ اقش-جاساعان جۇمىس ساپارى بارىسىندا فەدەرالدى تەرگەۋ بيۋروسى ديرەكتورىنىڭ ورىنباسارى مارك دجۋليانومەن كەزدەستى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.          تاراپتار ەكىجاقتى قۇقىقتىق ىنتىماقتاستىقتىڭ كەڭ اۋقىمدى ماسەلەلەرىن, ونىڭ ىشىندە ترانسۇلتتىق ۇيىمداسقان قىلمىسپەن كۇرەسۋ, قىلمىستىق جولمەن الىنعان كىرىستەردى جىلىستاتۋعا توسقاۋىل قويۋ, سونداي-اق جەدەل اقپاراتپەن جانە جۇمىس تاجىريبەسىمەن الماسۋ ماسەلەلەرىن تالقىلادى. باس پروكۋرور ەكسترەميزم جانە تەرروريزممەن, كيبەرقىلمىسپەن كۇرەسۋ ماسەلەلەرى بويىنشا ىنتىماقتاستىقتاعى فەدەرالدى تەرگەۋ بيۋروسىنىڭ ءرولىن جوعارى باعالاپ, پروكۋراتۋرا ورگاندارى قىزمەتكەرلەرىنىڭ بىلىكتىلىگىن ارتتىرۋ جونىندەگى بۋداپەشت قالاسىنداعى قۇقىق قورعاۋ ورگاندارىنىڭ حالىقارالىق اكادەمياسىندا ۇيىمداستىرىلعان ترەنينگكە ريزاشىلىعىن ءبىلدىردى. تاراپتار قازىرگى زاماننىڭ قاۋىپ-قاتەرلەرىنە قارسى تۇرۋدا ەكى ەلدىڭ قۇزىرەتتى ورگاندارىنىڭ اراسىنداعى ءوزارا ىقپالداستىقتى ودان ءارى نىعايتۋعا, قىلمىسقا قارسى كۇرەستىڭ ايماقتىق ماسەلەلەرىن شەشۋدەگى ورتاق تاسىلدەردى دايىنداۋعا مۇددەلىلىك تانىتتى. جولدىباي بازار. دەرەك, سۋرەت: باس پروكۋراتۋرانىڭ ءباسپاسوز قىزمەتى.