فوتو: دەنساۋلىق ساقتاۋ مينيسترلىگى
ت.سۇلتانعازيەۆ ايتۋىنشا, مۇنداي ناتيجەلەر العاشقى مەديتسينالىق كومەكتى دامىتۋ, انا مەن بالا دەنساۋلىعىن ساقتاۋ قىزمەتتەرىن نىعايتۋ, جاڭا تۋعان نارەستەلەردى باقىلاۋدىڭ زاماناۋي حاتتامالارىن ەنگىزۋ بويىنشا جۇيەلى جۇمىستاردىڭ ارقاسىندا مۇمكىن بولىپ وتىر.
سونداي-اق, ءبىرىنشى ۆيتسە-ءمينيستردىڭ ايتۋىنشا, ءۇش وڭىردە: اتىراۋ, اباي, جەتىسۋ وبلىستارىندا نەوناتالدىق ءولىم كورسەتكىشتەرىن جاقسارتۋ ءۇشىن الەۋەت بار. سالا مينيسترلىگى جەرگىلىكتى اتقارۋشى ورگاندارمەن بىرلەسىپ قويىلعان ماقساتتارعا قول جەتكىزۋ ءۇشىن شارالار قابىلداپ جاتىر.
دەنساۋلىق ساقتاۋ مينيسترلىگىنىڭ مالىمەتىنشە, ۆەدومستۆو بالالاردىڭ ءومىر ءسۇرۋ ساپاسىن جاقسارتۋ بويىنشا جۇمىستى جالعاستىرادى. سول ورايدا ەرەكشە نازار اۋدارىلىپ وتىرعان جايتتار:
- مەديتسينالىق-سانيتارلىق العاشقى كومەك (مساك) دەڭگەيىندە پەدياتريالىق ستاتسيونارلار مەن قىزمەتتەردى دامىتۋ;
- ەرتە ارالاسۋ ورتالىقتارىن قۇرۋ جانە كەڭەيتۋ;
- پاتروناج قىزمەتىن نىعايتۋ جانە ونى تولىقتىرۋ;
- بالالارداعى اۋرۋلاردىڭ الدىن الۋدى جانە ەرتە انىقتاۋدى كۇشەيتۋ.
ء«ار بالانىڭ دەنساۋلىعى – ءبىزدىڭ باسىمدىعىمىز. ءبىز ءار وڭىردە زاماناۋي جانە ساپالى مەديتسينالىق قىزمەتتەر قولجەتىمدى بولاتىنداي وڭ وزگەرىستەردى كورىپ, جۇمىستى جالعاستىرامىز», دەدى ءبىرىنشى ۆيتسە-مينيستر ت.سۇلتانعازيەۆ.
