QazIndustry-گە بارعان جاپوندىق ساراپشىلار قۇرامىندا حوككايدو ۋنيۆەرسيتەتىنىڭ سلاۆيانو-ەۆرازيالىق زەرتتەۋلەر ورتالىعىنىڭ پروفەسسورى توموحيكو ۋياما, اكيتا ۋنيۆەرسيتەتىنىڭ اسسيستەنت-پروفەسسورى اياكو ۆاتانابە, تەحنيكالىق عىلىمدار كانديداتى جانە Alem International Co. Ltd باسشىسى داۋرەن احمەتوۆ, JICA ۇيىمىنىڭ ەكسپەرتى حيدەحيرو شينكوي بولدى. دەلەگاتسيانى نازارباەۆ ۋنيۆەرسيتەتىنىڭ دوتسەنتى سەرىك ورازعاليەۆ, يندۋستريا جانە قۇرىلىس مينيسترلىگىنىڭ داۋىلەت ساگجانوۆ جانە Satreps جوباسىنىڭ قازاقستاندىق ۇيلەستىرۋشىسى اليا چينگيشپاەۆا ەرتىپ ءجۇردى.
كەزدەسۋ بارىسىندا جاپوندىق عالىمدار «اقىلمەن يگەرۋ +» جوباسىنىڭ مازمۇنىن تانىستىردى. بۇل باستاما ينتەللەكتۋالدى تاۋ-كەن تەحنولوگيالارىن, تسيفرلىق ەگىزدەردى جانە جاساندى ينتەللەكتتى قولدانا وتىرىپ, ەكولوگيالىق زياندى ازايتاتىن جاڭا ءوندىرىس مودەلىن قالىپتاستىرۋدى كوزدەيدى.
عالىمداردىڭ ايتۋىنشا, مۇنداي جۇيە ورتالىق ازيا جانە باسقا دا رەسۋرستىق ەلدەردە كەڭىنەن قولدانىلۋى مۇمكىن. قازىر جوبا كومانداسى قازاقستانداعى تاۋ-كەن كاسىپورىندارىندا وسى تەحنولوگيالاردى ەنگىزۋ مۇمكىندىگىن زەرتتەپ جاتىر.
QazIndustry باسقارما توراعاسىنىڭ ورىنباسارى اسەل دۇيسەمباەۆا ورتالىقتىڭ نەگىزگى مىندەتتەرىنىڭ ءبىرى ونەركاسىپتى تسيفرلاندىرۋ جانە كاسىپورىندارعا زاماناۋي تەحنولوگيالاردى ەنگىزۋگە جاعداي جاساۋ ەكەنىن اتاپ ءوتتى. سونداي-اق مەملەكەت كاسىپورىنداردىڭ شىعىندارىن وتەۋ تەتىكتەرى ارقىلى تسيفرلىق جوبالاردى قولدايتىنى ايتىلدى.
تاراپتار Smart Mining Plus جوباسىن ەنگىزۋدىڭ ناقتى قادامدارىن, ونىڭ قازاقستان ءۇشىن مۇمكىندىكتەرىن جانە ءارى قارايعى سەرىكتەستىك جوسپارىن تالقىلادى.
