استانا. 9 مامىر. مەملەكەت باسشىسى ماسكەۋدە وتكەن ۇلى وتان سوعىسىنداعى جەڭىستىڭ 70 جىلدىعىنا ارنالعان اسكەري پارادقا قاتىستى. بۇل تۋرالى akorda.kz حابارلادى.
سونداي-اق, نۇرسۇلتان نازارباەۆ بەلگىسىز جاۋىنگەر زيراتىنا گۇل قويۋ راسىمىنە قاتىستى.
ماسكەۋدەگى مەرەيتويلىق پارادقا 16 مىڭنان استام اسكەري قىزمەتشى, 194 قۇرلىقتىق اسكەري تەحنيكا, 143 ۇشاق پەن تىكۇشاق قاتىستى.
قىزىل الاڭنان ۇلى وتان سوعىسىنداعى اسكەريلەردىڭ فورماسىن كيگەن تاريحي جاۋىنگەرلىك توپتار ءجۇرىپ ءوتتى. سونىمەن قاتار, تمد-عا مۇشە مەملەكەتتەردىڭ قارۋلى كۇشتەرى مەن باسقا دا بىرقاتار شەت ەلدەردەن ارنايى كەلگەن 10 توپ قىزىل الاڭعا ساپ تۇزەپ شىقتى. ەلىمىزدەن پارادقا قازاقستان رەسپۋبليكاسى قارۋلى كۇشتەرى قۇرلىق اسكەرلەرى اسكەري ينستيتۋتىنىڭ كۋرسانتتارى قاتىستى.
جەڭىس پارادىنا 2 300-دەن استام ادام, سونىڭ ىشىندە تاياۋ جانە الىس شەتەلدەردەن ارداگەرلەر شاقىرىلدى. ماسكەۋدەگى سالتاناتتى ءىس-شارالارعا 30-عا جۋىق شەتەلدىڭ مەملەكەت جانە ۇكىمەت باسشىلارى, حالىقارالىق ۇيىمداردىڭ جەتەكشىلەرى قاتىستى.
ەلامان قوڭىر.
دەرەك, سۋرەت: akorda.kz.
