فوتو: ۇكىمەت
وسى ايدىڭ ءۇشىنشى اپتاسىندا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى وزگەرىسسىز قالدى. ساۋدا جانە ينتەگراتسيا ءبىرىنشى ۆيتسە-ءمينيسترى ايجان بيجانوۆانىڭ ايتۋىنشا, قازان ايىندا ازىق-ت ۇلىك ينفلياتسياسىنا ەڭ جوعارى ۇلەس قوسقان ونىمدەر قاتارىندا قىزاناق (15,8%), تارتىلعان ەت (3%), سۇيەكسىز سيىر ەتى (2,2%), سۇيەكتى جىلقى ەتى (1,5%), قيار (7,4%), بالىق (2,6%), بانان (2,8%) مەن باسقا دا ونىمدەر بار. بۇعان قوسا جىلدىق كورسەتكىش بويىنشا (وتكەن جىلعى 10 ايمەن سالىستىرعاندا) قىزاناق 36,6%-عا, قيار 43,4%-عا ارزانداعان.
«بارلىق ءوڭىردىڭ ازىق-ت ۇلىك ينفلياتسياسىنا قاتىستى تالداۋى ناتيجەسىندە باعا وسىمىنە ەڭ كوپ ىقپال ەتىپ وتىرعان, الايدا الەۋمەتتىك ماڭىزى بار تاۋارلار تىزبەسىنە كىرمەيتىن 30 تاۋار انىقتالدى. ولاردىڭ قاتارىندا ءتۇرلى ەت, بالىق, المۇرت, الما, ليمون, شاي, سىر, سۋىقتاي قاقتالعان سكۋمبريا, بانان, قىزاناق, قيار مەن باسقا دا ازىق-ت ۇلىك تاۋارلارى بار. بۇل ونىمدەردىڭ اراسىندا يمپورت ۇلەسى جوعارى تاۋارلار دا, كوبىنە ايلىق ينفلياتسياعا اسەر ەتىپ, جىلدىق ينفلياتسياعا ايتارلىقتاي ىقپال ەتپەيتىن پوزيتسيالار دا كەزدەسەدى. وسى ءتىزىمنىڭ قاتارىنان الەۋەتتى تۇردە الەۋمەتتىك ماڭىزى بار تاۋارلار قاتارىنا ەنگىزۋگە بولاتىن 23 پوزيتسيا ىرىكتەلدى. ەندىگى مىندەت – بۇل ۇسىنىستاردى بيزنەس وكىلدەرىمەن تالقىلاۋ», دەدى ا.بيجانوۆا.
تىزبەنىڭ كەڭەيتىلۋى كاسىپكەرلەر ءۇشىن بىرقاتار مىندەتتەمە ورىنداۋدى تالاپ ەتەدى. ماسەلەن, مامىلەلەر اشىقتىعىن قامتاماسىز ەتۋ, شارتتاردى راسىمدەۋ, شوت-فاكتۋرالار مەن فيسكالدىق چەكتەردى ۋاقتىلى شىعارۋ, سونداي-اق زاڭنامادا بەلگىلەنگەن 15%-دان اسپايتىن ساۋدا ۇستەمەسىن ساقتاۋ.
بۇل شارالار ەڭ سۇرانىسقا يە ازىق-ت ۇلىك تاۋارلارىنىڭ اينالىمىندا اشىقتىقتى ارتتىرۋعا ءارى دەلدالدىق سحەمالاردىڭ سوڭعى باعاعا ىقپالىن تومەندەتۋگە باعىتتالعان.
