پەتروپاۆلدا پراۆوسلاۆيە حرامى بوي كوتەردى

پەتروپاۆل. 20 اقپان. پەتروپاۆلداعى ۆوكزال اۋماعىندا پراۆوسلاۆيە عيباداتحاناسى پايدالانۋعا بەرىلدى. بۇل تۋرالى ءدىن ىستەرى جونىندەگى دەپارتامەنتتىڭ ماماندارى حابارلادى. ونىڭ اشىلۋ سالتاناتىنا وبلىس اكىمى ەرىك سۇلتانوۆ, پەتروپاۆل جانە بۋلاەۆ ەپيسكوپى ۆلاديمير قاتىسىپ, ءمىناجات ەتۋشىلەرگە ءوز تىلەكتەرىن ارنادى. 150 ورىنعا لايىقتالعان حرامدى سالۋ جۇمىسى 2013 جىلى باستالىپ, جەكە ادامداردىڭ, كاسىپكەرلەردىڭ قارجىلىق دەمەۋىمەن ءوز ەسىگىن ايقارا اشتى. ەندى ءدىندارلار قاتىناۋى قيىن ويقالا جاققا سابىلمايتىن بولدى. مۇندا «جۇمىسشى» كەنتى, «بەنزوستروي» ىقشاماۋداندارىنىڭ تۇرعىندارى كەلىپ, قۇلشىلىق ەتە الادى. بۇرىن بۇل جەردە تەمىرجول شىركەۋى بولعان. الايدا, كەڭەس ۇكىمەتى كەزىندە بۇزىپ تاستالعان. اراداعى ءبىر عاسىرعا جۋىق ۋاقىتتان كەيىن ادىلدىك قايتادان قالپىنا كەلتىرىلدى. ءومىر ەسقالي. دەرەك: سولتۇستىك قازاقستان وبلىسىنىڭ ءدىن ىستەرى جونىندەگى دەپارتامەنتى. سۋرەت: bnews.kz.