عالىم ميرنۋح يسمايلوۆتىڭ ايتۋىنشا, تەڭىز بەلسەندى تاۋ ءتۇزىلۋ ايماعىندا ورنالاسقان. كاۆكاز تاۋلارى ءالى دە كوتەرىلۋىن جالعاستىرىپ جاتىر, بۇل تەڭىزدىڭ گيدرولوگيالىق رەجيمىنە تىكەلەي اسەر ەتۋدە.
بولجامعا سايكەس, قازىرگى ءۇردىس ساقتالسا, كاسپي تەڭىزى ۋاقىت وتە كەلە ەكى بولەك سۋ ايدىنىنا اينالۋى مۇمكىن:
- سولتۇستىك بولىگى – دەربەنت ويىسىندا
- وڭتۇستىك بولىگى – ليانكياران ويىسىندا
بۇل پروتسەسس ۇزاق ۋاقىتتى قاجەت ەتەدى, بىراق عالىمدار ونىڭ گەوديناميكالىق زاڭدىلىقتارعا بايلانىستى ءسوزسىز جۇزەگە اساتىنىن ايتادى.
ساراپشى ەلنۋر دجافاروۆ قوسىمشا قاۋىپكە نازار اۋداردى: تەڭىز دەڭگەيى سونشالىقتى تومەندەۋى ىقتيمال, ناتيجەسىندە جاعالاۋ سىزىعى 30 شاقىرىمنان ارتىق شەگىنۋى مۇمكىن.
ماماندار بۇل وزگەرىستەردىڭ اۋقىمدى ەكەنىن اتاپ ءوتىپ, جاعالاۋداعى ەلدەرگە جۇيەلى مونيتورينگ جۇرگىزىپ, جاڭا تابيعي جاعدايلارعا بەيىمدەلۋ شارالارىن ازىرلەۋ قاجەتتىگىن ەسكەرتەدى.
