سولتۇستىك قازاقستاندا اياز قىسپاعىنان 40 ادام قۇتقارىلدى

پەتروپاۆل. 20 اقپان. سولتۇستىك قازاقستانداعى «شىمكەنت-ەكاتەرينبۋرگ» تاس جولى بويىندا قيىن جاعدايدا قالعان قالاارالىق اۆتوبۋستىڭ 40 جولاۋشىسىنا كومەك دەر كەزىندە كەلىپ جەتتى. بۇل تۋرالى توتەنشە جاعدايلار جونىندەگى دەپارتامەنتتىڭ ءباسپاسوز قىزمەتى حابارلادى. ءتۇن ورتاسىندا تايىنشا اۋدانىنداعى كەللەروۆكا كۇرە جولى بويىندا ورنالاسقان مەديتسينالىق-قۇتقارۋ بەكەتىنە تەلەفون سوعىلىپ, «استانا-پەتروپاۆل» تاسجولىندا اۆتوبۋستىڭ سىنىپ قالعانى جونىندە حابار تۇسكەن. ولاردىڭ ايتۋىنشا, قاتتى اياز سالدارىنانا كولىك اپاتتىق جاعدايعا ۇشىراعان كورىنەدى. وقيعا بولعان جەرگە جەدەل ارەكەت ەتۋ بريگاداسى جىلدام كەلىپ, قۇتقارۋ جۇمىستارىمەن اينالىسقان. جولاۋشىلار جاقىن ماڭداعى دامحاناعا جەتكىزىلىپ, جىلى ورىنمەن, ىستىق تاماقپەن قامتاماسىز ەتىلگەن. اۆتوبۋس قالپىنا كەلتىرىلگەننەن كەيىن جولاۋشىلار جولعا اتتانىپ كەتكەن. ءومىر ەسقالي. دەرەك: سولتۇستىك قازاقستان وبلىستىق توتەنشە جاعدايلار جونىندەگى دەپارتامەنتتىڭ ءباسپاسوز قىزمەتى. سۋرەت: liveinternet.ru.