فورمات تولىقتاي قازاقستاندا ازىرلەنگەندىكتەن, اۆتورلىق قۇقىقتار, فرانشيزا جانە مونەتيزاتسيالاۋ مۇمكىندىكتەرى وتاندىق يندۋسترياعا تيەسىلى. بۇل كرەاتيۆتى سەكتور ءۇشىن مۇلدە جاڭا كوكجيەكتەر اشادى.
2025 جىلى جوبانىڭ جەڭىمپازى موڭعوليادان كەلگەن قاتىسۋشى ميشەل دجوزەف بولدى. بۇل جەڭىس بايقاۋدىڭ حالىقارالىق دەڭگەيىن جانە وڭىردەگى تالانتتارعا اشىق ەكەنىن تاعى ءبىر مارتە دالەلدەدى.
ستاتيستيكا Silk Way Star-دىڭ تانىمالدىعى ارتىپ كەلە جاتقانىن كورسەتەدى. الەۋمەتتىك جەلىلەردەگى اۋديتوريانىڭ گەوگرافياسى 43 ەلدى, پايدالانۋشىلار سانى 143 ميلليوننان استام ادامدى, ال جالپى قارالىمدار 300 ميلليوننان اسىپ ءتۇستى. قازاقستان ءۇشىن بۇل — قۇقىقتار مەن ليتسەنزيالاردى ساتۋ, جارناما نارىعىن كەڭەيتۋ, دەمەۋشىلىك كەلىسىمشارتتارىنىڭ كوبەيۋى سياقتى ناقتى ەكونوميكالىق مۇمكىندىكتەر.
Silk Way Star ەلىمىزدىڭ كرەاتيۆتىك يندۋسترياسىن دا العا سۇيرەپ وتىر: پروداكشن-ستۋديالارعا, ديزاينەرلەرگە, مۋزىكانتتارعا, SMM جانە اناليتيكا سالاسىنىڭ ماماندارىنا دەگەن سۇرانىس ارتىپ كەلەدى. سونىمەن قاتار جوبا قازاقستاننىڭ وڭىرلىك مادەني ديپلوماتيا ورتالىعى رەتىندەگى ءيميدجىن كۇشەيتەدى.
بولاشاقتا جوبانى اۋقىمداۋ قازاقستانعا ەۋرازيانىڭ جەتەكشى مەديا حابى مارتەبەسىن بەكىتۋگە جول اشادى. ساراپشىلاردىڭ بولجامىنشا, الداعى جىلدارى مەديا مەن كرەاتيۆتى ەكونوميكاعا تارتىلاتىن ينۆەستيتسيالار 50–70 ميلليون دوللارعا جەتۋى مۇمكىن, ال سالانىڭ ءجىو-دەگى ۇلەسى ەكى ەسەگە ۇلعايماق.
