فوتو: Oqu-agartu ministrligi
Fab-Lab (Fabrication Laboratory) – الەمنىڭ جەتەكشى وقۋ ورىندارى قولداناتىن تسيفرلىق ءوندىرىس زەرتحانالارى جەلىسىنىڭ حالىقارالىق فورماتى.
تەحنيكالىق جانە كاسىپتىك ءبىلىم بەرۋ دەپارتامەنتىنىڭ باسشىسى اسەت مۇحامبەتوۆتىڭ ايتۋىنشا, جۇمىسشى ماماندىقتار جىلىندا وسىنداي زاماناۋي زەرتحانالاردىڭ اشىلۋى – ەلىمىزدىڭ بولاشاق ينجەنەرلەرى مەن تەحنيكتەرىن دايىنداۋداعى ۇلكەن ستراتەگيالىق قادام.
«Fab-Lab جاستاردىڭ تەك وقىپ قانا قويماي, ناقتى ءونىم جاساپ, يننوۆاتسيالىق جوبالار ازىرلەۋىنە مۇمكىندىك بەرەدى. بۇل – ەڭبەك نارىعىنا قاجەتتى جاڭا بۋىن ماماندارىن قالىپتاستىرۋداعى ماڭىزدى باستاما», دەيدى ءا.مۇحامبەتوۆ.
وقۋ-اعارتۋ مينيسترلىگىنىڭ مالىمەتىنشە, زەرتحانا ءۇش نەگىزگى باعىتتا جۇمىس ىستەيدى:
- روبوتوتەحنيكا زەرتحاناسى – NAO گۋمانويد روبوتتارى مەن WorldSkills ستاندارتتارىنا ساي پلاتفورمالار ارقىلى قۇراستىرۋ جانە باعدارلامالاۋ داعدىلارىن دامىتۋعا ارنالعان.
- 3D مودەلدەۋ جانە 3D باسىپ شىعارۋ زەرتحاناسى – Fusion 360, SolidWorks, Blender باعدارلامالارىندا پروتوتيپتەر مەن تسيفرلىق مودەلدەر جاساۋعا مۇمكىندىك بەرەدى.
- جاساندى ينتەللەكت زەرتحاناسى – Python, ماشينالىق وقىتۋ, كومپيۋتەرلىك كورۋ جانە نەيروندىق جەلىلەر بويىنشا پراكتيكالىق ءبىلىم الۋعا باعىتتالعان.
