شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سەنسەك, ءوڭىر بويىنشا 325 ۋچاسكەدە قار كوشكىنى ءجۇرۋى مۇمكىن.
– سول ۋچاسكەلەردىڭ بويىندا 93 شاقىرىم جول مەن ءتۇرلى عيماراتتار ورنالاسقان. ەگەر كوشكىن جۇرسە تۇرعىنداردىڭ ومىرىنە قاۋىپ ءتونۋى مۇمكىن. سوندىقتان "112" قىزمەتىنەن ەسكەرتۋلەر جاسالسا, قاۋىپ-قاتەردەن اۋلاق بولىڭىزدار جانە قار كوشكىنى قاۋپى بار جولدارمەن جۇرمەڭىزدەر, – دەپ ەسكەرتتى قۇتقارۋشىلار.
ايتا كەتكەن ءجون, وبلىس بويىنشا قار كوشكىنى قاۋپى بار كەزەڭ ءساۋىر ايىنا دەيىن سوزىلادى. وسى ارالىقتا بۇقارا تاۋعا شىقپاس بۇرىن اۋا رايى جاعدايىن قاتاڭ ەسكەرۋى قاجەت.
