جاڭا اۋە تەحنيكاسىنىڭ شىمكەنتكە جەتكىزىلۋى – ماڭىزدى ينفراقۇرىلىمدىق جانە ونەركاسىپتىك نىساندار شوعىرلانعان ءىرى ستراتەگيالىق ورتالىق ءۇشىن ەرەكشە ماڭىزعا يە.
"قازاۆياقۇتقارۋ" اق باس ديرەكتورى الپامىس كامالوۆ اۆياتسيالىق پاركتىڭ جاڭارتىلۋى قۇتقارۋ بولىمشەلەرىنىڭ مۇمكىندىكتەرىن ارتتىرۋعا, ارەكەت ەتۋ ۋاقىتىن قىسقارتۋعا جانە وڭتۇستىك ءوڭىردىڭ جەدەل قىزمەتتەرىنىڭ موبيلدىگىن كۇشەيتۋگە باعىتتالعان ماڭىزدى قادام ەكەنىن اتاپ ءوتتى.
– جاڭا L-410 ۇشاعى 19 جولاۋشى نەمەسە 1800 كەلىگە دەيىن جۇك تاسىمالداۋعا قابىلەتتى. ول دايىندالماعان الاڭدارعا قونا الادى. – 50-دەن +50 °C-قا دەيىنگى كەڭ تەمپەراتۋرالىق دياپازوندا جۇمىس ىستەيدى. بۇل سيپاتتامالار ونى قيىن قولجەتىمدى ايماقتاردا جانە قاتال كليمات جاعدايىندا پايدالانۋعا ءتيىمدى ەتەدى. ۇشاق سانيتارلىق اۆياتسيا مىندەتتەرىن ورىنداۋ ءۇشىن دە قولدانىلۋى مۇمكىن. بورتتا اۋىر ناۋقاستاردى تاسىمالداۋعا ارنالعان زاماناۋي زەمبىلدەر مەن جابدىق ورناتىلعان. قاجەت بولعان جاعدايدا اۋە كەمەسىن قوسىمشا مەديتسينالىق تەحنيكامەن جابدىقتاۋعا بولادى, – دەلىنگەن اقپاراتتا.
