جامبىل وبلىستىق سوتىنىڭ مالىمەتىنشە 2025 جىلدىڭ تامىزىندا جۇمىسسىز جۇرگەن م. تولىق ەمەس جۇمىس كۇنى تۋرالى حابارلاندىرۋدى كورىپ, «Telegram» سىلتەمەسىنە ءوتىپ, «بايرون جەرجەۆيچ» دەگەن پايدالانۋشىمەن بايلانىسقا شىققان. ول وعان پسيحوتروپتىق زاتتاردى تاراتۋ بويىنشا جۇمىس ۇسىنعان. قىزمەتتىڭ زاڭسىز ەكەنىن بىلە تۇرا, م. ونىمەن كەلىسىپ, اتالعان اداممەن الدىن الا ءسوز بايلاسۋعا كىرىسكەن.
ء«ارى قاراي ول الماتى قالاسىندا قويمانىڭ كوورديناتتارىن الىپ, وندا 94 بۋما پسيحوتروپتىق زاتتى العان. كەلەسى كۇنى كۋراتوردىڭ نۇسقاۋلارىنا سايكەس م. ولاردى ودان ءارى تاراتۋ ءۇشىن تاراز قالاسىنا كەلگەن», – دەپ جازىلعان حابارلامادا.
سوتتالۋشى قالانىڭ ءارتۇرلى جەرلەرىنە 9 ەسىرتكى بۋماسىن قويىپ كەتكەن. الايدا سول كۇنى ۋچاسكەلىك پوليتسيا ينسپەكتورىنا ۇستالىپ قالعان. ءتىنتۋ كەزىندە اسا ءىرى مولشەردەگى جالپى سالماعى 41,86 گرامم بولاتىن 85 بۋمانى ءوز ەركىمەن بەرگەن.
پروكۋرور سوتتالۋشىنى 8 جىلعا باس بوستاندىعىنان ايىرۋدى سۇرادى. سوتتالۋشى م. ءوزىنىڭ كىناسىن تولىق مويىنداپ, سوتتان وعان ەڭ جەڭىل جازا تاعايىنداۋدى سۇرادى.
سوت سوتتالۋشىنىڭ بۇرىن سوتتى بولماعانىن, كىناسىن مويىنداعانىن جانە جاساعان ىسىنە وكىنىش بىلدىرگەنىن جازانى جەڭىلدەتەتىن ءمان-جايلار رەتىندە قاراستىردى.
سوت ۇكىمىمەن م. قىلمىستىق كودەكسىنىڭ 297-بابى 3-بولىگىنىڭ 1), 3) تارماقتارى (ادامدار توبىنىڭ الدىن الا ءسوز بايلاسىپ, پسيحوتروپتىق زاتتاردى اسا ءىرى مولشەردە وتكىزۋ ماقساتىندا زاڭسىز يەمدەنۋ جانە ساقتاۋ) بويىنشا كىنالى دەپ تانىلىپ, وعان 7 جىل باس بوستاندىعىنان ايىرۋ جازاسى تاعايىندالدى.
ۇكىم زاڭدى كۇشىنە ەندى.
