7,5 ميلليارد تەڭگە قايتارىلدى

اتىراۋدا بيۋدجەتتىڭ قار­جىسىن قىمقىرىپ, قالتاسىنا باسىپ الۋدى كوزدەيتىندەر از ەمەس. ايتەۋىر سولاردىڭ ءبىر­قاتارى قىراعى كوزدى پرو­­كۋرورلاردىڭ نازارىنا ءىلىنىپ قالىپتى. ماسەلەن, وبلىس پروكۋرورى عالىمجان توعىزباەۆتىڭ ءمالىم ەتۋىن­شە, بىلتىر مەملەكەتتىڭ ەكونوميكالىق مۇددەلەرىن قورعاۋ ماقساتىندا 7,5 ميلليارد تەڭگە زالال ءوندىرىلىپ, بيۋدجەتكە كىرىستەلگەن. يگە­رىلمەگەن جەرلەردى مەملەكەتكە قايتارۋ جۇمىستارى جالعاستىرىلىپ, الىپ-ساتۋ جولدارىنا شەكتەۋ قويۋ ارقىلى جالپى قۇنى 2 ميلليارد تەڭگە بولاتىن 2500 گەكتارلىق 86 جەر تەلىمى مەملەكەت مەنشىگىنە قايتارىلىپتى. سول سياقتى, مەملەكەتتىك ساتىپ الۋ زاڭدىلىعىن قاداعالاۋ بويىنشا ەنگى­زىلگەن اكتىلەر نەگىزىندە 2 كونكۋرستىڭ كۇشى جويىلىپ, سوماسى 2,2 ميلليارد تەڭگە زالالدىڭ الدى الىندى. سىبايلاس جەمقورلىققا قارسى جۇرگىزىلگەن شارالاردىڭ ناتيجەسىندە 29 لاۋازىمدى تۇلعا تارتىپتىك, 9 تۇلعا قىلمىستىق جاۋاپكەرشىلىككە تارتىلدى. ەندى ازىرگە مۇرتى مايلانىپ جۇرگەندەردىڭ دە كۇنى ەرتەڭ تۇزاققا ءتۇسىپ, تەمىر تورعا قامالارىنا بەك سەنىمدىمىز. جولداسبەك شوپەعۇل, «ەگەمەن قازاقستان». اتىراۋ وبلىسى. سۋرەت: altaynews.kz.