وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى ءاليا بەكەشەۆانىڭ ايتۋىنشا, ۆيرۋستى ينفەكتسيانىڭ جۇقتىرعانداردىڭ باسىم بولىگى – 14 جاسقا دەيىنگى بالالار.
«وبلىستا 1-20 قاراشا ارالىعىندا جرۆي جۇقتىرۋعا بايلانىستى 32 مىڭنان استام جاعداي تىركەلدى. بىراق بۇل كورسەتكىش شەكتەۋ ەنگىزۋدى قاجەت ەتپەيدى. قازىر جاعداي باقىلاۋعا الىندى. جالپى ا/H3N2/ تۇرىندەگى تۇماۋ – جاڭا ۆيرۋس ەمەس. بۇل 1968 جىلدان بەرى اينالىمدا ءجۇر. بيىل تىركەلگەن شتامم ۆاكتسينا قۇرامىمەن تولىق سايكەس كەلەدى», – دەدى ءاليا بەكەشەۆا.
وسىعان بايلانىستى تۇماۋدىڭ زەرتحانالىق راستالعان 17 جاعدايى انىقتالىپ وتىر. وسى كەزگە دەيىن 58 مىڭنان استام ادام ۆاكتسينا سالدىرعان.
وبلىستىق دەنساۋلىق ساقتاۋ باسقارماسىنىڭ باسشىسى قايسار ابداليەۆ ەمحانالارعا جرۆي سيمپتومىمەن كەلەتىندەردىڭ كوبەيگەنىن راستادى. ماسەلەن, سوڭعى تاۋلىكتە 154 ادام قابىلداۋعا جۇگىنگەن.
«ستاتسيونارلاردا 209 ناۋقاس جاتىر. ەم قابىلداپ جاتقانداردىڭ اراسىندا 126 بالا مەن 45 جۇكتى ايەل بار. وسىعان بايلانىستى وڭىردە قوسىمشا شارالار قابىلداندى. تۇرعىنداردان جرۆي جانە تۇماۋ بەلگىلەرى بايقالعان جاعدايدا ءوزىن-ءوزى ەمدەۋدەن باس تارتىپ, مەديتسينالىق كومەككە ۋاقىتىلى جۇگىنۋدى سۇرايمىز», – دەيدى قايسار ابداليەۆ.
