فوتو: اشىق دەرەككوز
قازاقستانداعى ەڭ تاجىريبەلى شەنەۋنىكتەردىڭ قاتارىندا وسك توراعاسى نۇرلان ءابدىروۆ پەن ەكولوگيا جانە تابيعي رەسۋرستار ءمينيسترى ەرلان نىسانباەۆ بار. ەكەۋىنىڭ جاسى 64-كە جەتكەن. ەلدىڭ جەتەكشى ەكولوگىنىڭ زەينەتكەرلىك جاس شەگىنەن اسىپ كەتۋى باق وكىلدەرىنىڭ نازارىنا ىلىكتى. بۇل رەتتە نىسانباەۆ ءوزىنىڭ مول تاجىريبەسى مەن ءبىلىمىن ەسكەرە وتىرىپ, قىزمەتىن جالعاستىرۋعا قۇقىعى بار ەكەنىن مالىمدەگەن.
قاراشا ايىنىڭ سوڭىندا زەينەتكەرلەر قاتارىنا تاعى ءبىر تاجىريبەلى شەنەۋنىك – ىشكى ىستەر مينيسترلىگىنىڭ ورىنباسارى يگور لەپيوحا قوسىلادى. Ranking.kz مالىمەتىنشە, شەنەۋنىك جۋرناليستەردىڭ وتكىر سۇراقتارىنا سالماقتى ءارى دايەكتى جاۋاپ بەرەدى. ول قوستانايعا قاتىستى سەپاراتيستىك پىكىرلەردى توقتاتىپ, تەك اقىلدى باعدارشامدار ارقىلى جول كەپتەلىسىن شەشۋ يدەياسىنىڭ تيىمسىزدىگىن اشىق ايتقان. سونىمەن قاتار جەتىسۋ وبلىسىنىڭ اكىمى بەيبىت يساباەۆ تا تاجىريبەلى شەنەۋنىكتەر قاتارىندا. ءوزىنىڭ 40 جىلدىق ەڭبەك جولىندا رەداكتور, ءباسپاسوز حاتشىسى, ەلشى, سەناتور جانە اكىم بولىپ قىزمەت اتقارعان.
ال, زەينەت جاسىنا جاقىنداعان شەنەۋنىكتەر قاتارىندا – باس پروكۋرور بەرىك اسىلوۆ جانە وبلىس اكىمدەرى مارات احمەتجانوۆ, ناريمان تورەعاليەۆ پەن قۇمار اقساقالوۆ بار. ءبىر قىزىعى, قۇمار اقساقالوۆ جۇمىسقا جاياۋ بارادى ەكەن. ارينە, بۇل قالىپتى جاعداي بولسا دا, ايماق باسشىسىنىڭ ءدال وسى ارەكەتى ونىڭ حالىقپەن اشىق بايلانىستا ەكەنىن كورسەتەدى. سول ءۇشىن ونى «حالىق اكىمى» دەپ اتاپ كەتكەن.
شەنەۋنىكتەردىڭ ناقتى تابىسى ولاردىڭ لاۋازىمى مەن قىزمەت وتىلىنە بايلانىستى. ۇلتتىق ستاتيستيكا بيۋروسىنىڭ مالىمەتتەرى بويىنشا, وتكەن جىلى وبلىس اكىمىنىڭ ورتاشا نومينالدى جالاقىسى شامامەن 1,7 ميلليون تەڭگەنى قۇرادى. بۇل قوسىمشا تولەمدەردى, بونۋستاردى جانە باسقا دا جەڭىلدىكتەردى قوسپاعاندا, بازالىق سوما. مينيسترلەر مەن ولاردىڭ ورىنباسارلارى ايماقتىق باسشىلارعا قاراعاندا ءسال از جالاقى الادى – 1,5 ميلليون تەڭگە.
جالپى, مينيسترلەردىڭ ورىنباسارلارى مەن قالا اكىمدەرىنىڭ لاۋازىمدارىن قازىر 30 جاستاعى جانە 9 جىلدان 15 جىلعا دەيىنگى تاجىريبەسى بار ادامدار يەلەنەدى.
ەڭ جاس شەنەۋنىكتەردىڭ قاتارىندا – وقۋ-اعارتۋ ءمينيسترى اسىلبەك احمەتجانوۆ, 33 جاستاعى تۇركىستان قالاسىنىڭ اكىمى ازىمبەك پازىلبەك ۇلى جانە 34 جاستاعى مينيستر ورىنباسارلارى – قايىرحان تۇتقىشباەۆ, دميتري مۋن جانە بەكبولات مولدابەكوۆ بار.
ايتا كەتەيىك, تىزىمگە ەنگەن شەنەۋنىكتەردىڭ كوبى پرەزيدەنتتىڭ جاستار كادرلىق رەزەرۆىنەن, ال كەيبىرى العاشقى جۇمىس جىلدارىن جوعارى قىزمەتتەن باستاعان.
ماسەلەن, وسكەمەن قالاسىنىڭ اكىمى المات اقىشوۆ ەڭبەك جولىن كونتسەرت زالىندا بيلەت كونترولەرى رەتىندە باستاعان, ۆيتسە-مينيستر ەرمەك كەنجەحان ۇلى ۋنيۆەرسيتەت كەزىندە ءوز بەتىمەن ەگىستىك ەگىپ, ءونىم جيناعان. ال, باسكەلەستىكتى قورعاۋ جانە دامىتۋ اگەنتتىگىنىڭ باسشىسى مارات وماروۆ مەملەكەتتىك قىزمەتپەن قاتار قازاقستان فۋتبول فەدەراتسياسىن باسقارعان.
رەيتينگتەگى سوڭعى ورنىندى ەكولوگيا جانە تابيعي رەسۋرستار ۆيتسە-ءمينيسترى مانسۇر وشىرباەۆ يەلەندى.
ەڭ جاس شەنەۋنىكتەردىڭ جالاقىسى دا ءارتۇرلى. ۆيتسە-مينيستر دەڭگەيىندەگى قىزمەتكەرلەر 2024 جىلى 1,5 ملن تەڭگە العان, وبلىستىق اكىمدەردىڭ جاس ورىنباسارلارى شامامەن 836,9 مىڭ تەڭگە تابىس تابادى.
