بۇل تۋرالى City Transportation Systems كومپانياسى مالىمدەدى.
اۆتوبۋس وردا بازارى ايالداماسىنان زەردە مەكتەبىنە دەيىن قاتىنايدى.
مارشرۋت الاش شوسسەسىمەن باستالىپ, ءۋاليحانوۆ كوشەسىنە بۇرىلادى. ودان ءارى قوزعالىس ابىلاي حان داڭعىلى, جۇماباەۆ كوشەسى, تاۋەلسىزدىك جانە ءال-فارابي داڭعىلدارى ارقىلى جالعاسادى. سونداي-اق باعىت بۇحار جىراۋ كوشەسىن دە قامتيدى. جاڭا مارشرۋت ەلوردانىڭ قارقىندى دامىپ كەلە جاتقان اۋداندارىندا كولىك قولجەتىمدىلىگىن ارتتىرۋعا مۇمكىندىك بەرەدى.
بۇدان بۇرىن استانا اكىمى جەڭىس قاسىمبەك جولاۋشىلار اعىنىنىڭ ارتۋىنا بايلانىستى كەلەسى جىلى قالادا تاعى 13 جاڭا مارشرۋت ىسكە قوسىلاتىنىن مالىمدەگەن. سونىمەن قاتار Bus Line جەلىسى كەزەڭ-كەزەڭىمەن كەڭەيەدى. قازىردىڭ وزىندە ونداعان ۋچاسكەدە قوزعالىستىڭ ارنايى جولاقتارى جۇمىس ىستەپ, جول ءجۇرۋ ۋاقىتىن 25–30% قىسقارتىپ وتىر.
بيىل اۆتوبۋس پاركى شامامەن 300 جاڭا كولىكپەن تولىقپاق. ونىڭ ءبىر بولىگى قالاعا جەتكىزىلىپ, جەلىگە شىعۋعا دايىندالىپ جاتىر. اكىمدىك دەرەگىنشە, بۇل جاڭا باعىتتاردى ىسكە قوسۋعا جانە جولاۋشىلار ءۇشىن ايالداماداعى كۇتۋ ۋاقىتىن ازايتۋعا مۇمكىندىك بەرەدى.
