مەملەكەتتىك ايىپتاۋشى سوتتالۋشىلاردىڭ قىلمىستىق كودەكستىڭ 277-بابى, 3-تارماعى — «تاۋ-كەن نەمەسە قۇرىلىس جۇمىستارىن جۇرگiزۋ كەزiندە قاۋiپسiزدiك قاعيدالارىن بۇزۋ, ابايسىزدا ەكi نەمەسە ودان دا كوپ ادامنىڭ ولiمiنە اكەپ سوققان ءىس-ارەكەت» بابى بويىنشا قاراستىرىلىپ وتىرعان ايىبى تولىق دالەلدەنگەنىن اتاپ كورسەتتى. پروكۋرور 2014 جىلدان كەن ورنىندا بۇرىن الىنعان جەرلەردەگى قوردى قۇلاتۋ جۇيەسىمەن وڭدەۋ باستالعانىن, بىراق ءىس جۇزىندە قۇلاتۋ جۇرگىزىلمەگەنىن جەتكىزدى.
«بۇل رەتتە كاسىپورىننىڭ وڭدەلگەن كەڭىستىكتى بەتونمەن تولتىرۋدى كوزدەيتىن 2011 جىلعى جوباسى بولعانىن, بىراق كاسىپورىن بۇل جوبادان اۋىتقىپ 2013 جىلعى جۇمىس قۇجاتتاماسى بويىنشا جۇمىس ىستەگەنىن, ال ول ءىس جۇزىندە 2011 جىلعى جوبانىڭ قوسىمشاسى بولعانىن, ۋاكىلەتتى ورگاندا كەلىسۋدەن وتپەگەنىن اتاپ وتكەن ءجون», دەدى پروكۋرور دارينا زكريانوۆا.
مەملەكەتتىك ايىپتاۋشىنىڭ پىكىرىنشە, 2014-2027 جىلدار كەزەڭىندە كەن ورنىنداعى قورلاردى وڭدەۋ جۇمىستارى تەحنولوگيانى بۇزا وتىرىپ جۇرگىزىلگەن جانە ونىڭ سالدارىنان بوس كەڭىستىكتەر قالىپ قويعان.
«كوپتەگەن ادامداردا 2011 جانە 2013 جىلدارى سوتتالۋشىلار جوعارىدا اتالعان لاۋازىمداردى اتقارماعان, ەندەشە ولاردىڭ كىناسى نە دەگەن سۇراق تۋىندايدى. ەڭ اۋەلى الدىڭعى جوبا 2017 جىلعى جوبا بەكىتىلگەنگە دەيىن كۇشىندە بولدى, وسى كەزەڭدە سوتتالۋشىلار كاسىپورىن قىزمەتكەرلەرى ەدى. ولار وڭدەلگەن كەڭىستىكتەردىڭ جاي-كۇيىن تەحنيكالىق تەكسەرۋ ءۇشىن شارالار قولدانبادى, قۇلاپ كەتۋ قاۋپى جوعارى, زەرتتەلمەگەن ۋچاسكەدە تەحنيكانىڭ قوزعالىسىنا جول بەردى», دەپ قوستى پروكۋرور.
مەملەكەتتىك ايىپتاۋشى تاراپتاردىڭ ءجارىسسوزى بارىسىندا 6 سوتتالۋشىعا قاۋىپسىزدىگى ەڭ تومەن كولونيادا جازاسىن وتەۋمەن 4 جىلعا باس بوستاندىعىنان ايىرۋ جازاسىن سۇرادى.
ايتا كەتۋ كەرەك, سوتتالۋشىلار وزدەرىنە تاعىلعان بۇل ايىپتاردى جوققا شىعارىپ وتىر. جارىسسوزدەن سوڭ تاراپتار سوتتا سوڭعى سوزدەرىن ايتادى. ودان سوڭ سوت ۇكىمى جاريا ەتىلەدى.
ايتا كەتەيىك, 2024 جىلعى 4 قاڭتاردا التىن كەنىشىندە ىشىندە ادامدار بار اۆتوبۋس جەر استىنا ءتۇسىپ كەتتى. اپات سالدارىنان ءتورت قۇتقارۋشى ەرلىكپەن قازا تاپتى. ولار – ايدوس شايمەردەن, ولەگ تىشكەۆيچ, سارقىت بەردىحان جانە ايىپ تىلەۋبەرگەنوۆ.
كەيىن «مايقايىڭالتىن» اق-نىڭ التىن كەنىشىندە ءتورت قۇتقارۋشىنىڭ ءومىرىن قيعان اپاتقا كىنالى تۇلعالار رەتىندە 6 ادام ۇستالدى. ولار — «مايقايىڭالتىن» اق-نىڭ بۇرىنعى باس ديرەكتورى قۋانىش بوتين جانە وندىرىستىك ۋچاسكەلەردى باسقارۋ, ينجەنەرلىك قۇرامداعى بەس ادام.
