«Amanat» پارتياسىنىڭ كۋبوگىنە ارنالعان سايىسقا بيىل 150-گە جۋىق ءوتىنىم تۇسكەن. ولاردىڭ اراسىنان 60 كوماندا ىرىكتەلىپ, قازاق (40 فراكتسيا) جانە ورىس (20 فراكتسيا) كوماندالارى بريتان, امەريكا جانە لينكولن-دۋگلاس فورماتتارىندا ويىن كورسەتتى. جەڭىمپازداردى ماراپاتتاۋ جيىنىندا پارتيانىڭ اتقارۋشى حاتشىسى داۋلەت كارىبەك مەملەكەت باسشىسى ەركىن ويلى جاستاردىڭ زياتكەرلىك الەۋەتىن دامىتۋ ىسىنە ءاردايىم قولداۋ كورسەتىپ كەلە جاتقانىن ايتتى.
– پرەزيدەنت ءبىزدىڭ جاستار ايرىقشا تۇسىنۋگە ءتيىس ءۇش ماڭىزدى باعىتتى اتاپ وتكەن ەدى. ولار – تەرەڭ ءبىلىم, ەڭبەكقورلىق جانە وتانشىلدىق قاسيەت. سوندىقتان بۇل پىكىرسايىس – تەك ءسوز جارىسى ەمەس, ول ەل تاعدىرىنا بەيجاي قارامايتىن ازاماتتاردىڭ مەكتەبى. تۇپتەپ كەلگەندە, مۇنىڭ ءبارى – ينتەللەكتۋالدى ۇلت قالىپتاستىرۋ جولىنداعى جۇيەلى ساياساتتىڭ ءبىر بولىگى, – دەدى ول.
ءوز كەزەگىندە «جاستار رۋحى» جاستار قاناتىنىڭ توراعاسى اقەركە يسكاندەروۆانىڭ ايتۋىنشا, ءتۋرنيردىڭ باستى ماقساتى – ۇتىمدى ۇسىنىس ايتا الاتىن بەلسەندى جاستارعا قولداۋ كورسەتۋ.
– تۋرنير جيىرما ءۇش جىلدان بەرى پارتيانىڭ قولداۋىمەن ءداستۇرلى تۇردە ۇيىمداستىرىلىپ كەلەدى. بۇل – جاستاردىڭ پىكىرسايىسقا دەگەن قىزىعۋشىلىعىنىڭ ايقىن كورىنىسى. قازاق جانە ورىس ليگالارىمەن قاتار, بيىل العاش رەت ستۋدەنتتىك ليگا ەنگىزىلدى. باستاما ستۋدەنتتەردىڭ كوپشىلىك الدىندا سويلەۋ, ويىن جۇيەلەۋ سياقتى داعدىلارىن دامىتۋعا مۇمكىندىك بەرەدى, – دەدى ول.
بلوگەر ياكوۆ فەدوروۆ «Amanat» پارتياسى پىكىرسايىس قوزعالىسىنىڭ دامۋىنا ايرىقشا ىقپال ەتكەنىن تىلگە تيەك ەتتى.
– بىرنەشە جىل بۇرىن وسى «Amanat سup» تۋرنيرىنە قاتىسقان ەدىم. سول تۇستا بۇل سايىس جاس ازاماتتار ءۇشىن الەۋمەتتىك ليفتكە اينالدى. بۇگىندە وسى پىكىرسايىسقا قاتىسقان ازاماتتار مەملەكەتتىك قىزمەت سالاسىندا ەسەلى ەڭبەك ەتىپ ءجۇر. دەمەك, پىكىرسايىس – ويدى دالەلمەن جەتكىزۋگە, ارگۋمەنتپەن جۇمىس ىستەۋگە جانە دۇرىس شەشىم قابىلداۋعا ۇيرەتەتىن ورتا. مۇنداي باستامالاردى قولداۋ ماڭىزدى. سەبەبى تالانتتى پىكىرسايىسشىلار تەك استانا مەن الماتىدا عانا ەمەس, شاعىن قالالار مەن اۋىلداردا دا بار, – دەدى ول.
وسىلايشا, ەكى كۇنگە جالعاسقان ويىن نəتيجەسىندە قازاق ليگاسىندا جۇلدەلى 1-ورىندى – ديلناز باۋىرجانقىزى جانە جاكەن نۇرحان (استانا جانە الماتى قالالارىنىڭ قۇراماسى) يەلەنىپ, «Amanat» پارتياسىنىڭ كۋبوگىن قانجىعالادى. ال 2-ورىنعا – جانسەرىك جولشىبەك جانە التىناي قالدىباي (الماتى قالاسى), 3-ورىنعا – اسحات ەسەنوۆ پەن ساپارعالي باتىرجان (اقتوبە وبلىسى) جانە زارينا بوزوۆا مەن اقەركە شايقى (باتىس قازاقستان وبلىسى) لايىق دەپ تانىلدى. «ۇزدىك سپيكەر» – داۋلەت نۇركەن, «ۇزدىك تورەشىلەر» – باقىتجان تۇرسىنوۆ جانە باكيرا ولجاس.
ورىس ليگاسىندا سۇلتان ساتىبالدى مەن كاميلا قۇرامىسوۆا جەڭىمپاز اتاندى. ال 2-ورىندى – ايگەرىم ايباسوۆا مەن دىنمۇحاممەد ساعاتبەكوۆ, 3-ورىندى – سامات ساياقوۆ پەن مۇراتبەك نۇرلان جانە ەرۇلان مەيىرجان مەن ارۋنا نايمانوۆا يەلەندى. وسى ليگاداعى بارلىق قاتىسۋشىلار – استانا قالاسىنىڭ نامىسىن قورعادى. «ۇزدىك سپيكەر» – دىنمۇحاممەد ساعاتبەكوۆ. «ۇزدىك تورەشى» – جىبەك اكىموۆا.
سونداي-اق ستۋدەنتتىك ليگادا 1-ورىندى – نۇرقادىر سەرىكقازى مەن ديدار ارچين (سەمەي قالاسى), 2-ورىندى – ماحاببات اليپچەەۆا مەن اقەركە دارحانبەك (الماتى وبلىسى), 3-ورىندى – اياۋلىم سايلاۋوۆا مەن نۇرتاس نۇراي (اقتوبە وبلىسى) جانە نۇرحانىم بەرمۇحانبەت پەن جادىرا قايراتوۆا (اتىراۋ وبلىسى) يەلەندى.
ەسكە سالا كەتەيىك, تۋرنير اياسىندا «جاستار رۋحى» جاستار قاناتى مەن يسلام ىنتىماقتاستىق ۇيىمى جاستار فورۋمىنىڭ ەۋرازيا ايماقتىق ورتالىعى (ICYF-ERC) بىرلەسىپ ۇيىمداستىرعان حالىقارالىق «Model OIC» سيمۋلياتسيالىق ويىنىنا 60 قاتىسۋشى ىرىكتەلىپ, ءتورت كوميتەت بويىنشا باق سىنادى.
جەڭىمپازدار: ورتالىق ازيا مەن كاۆكازداعى گەوساياسي جانە قاۋىپسىزدىك سىن-قاتەرلەرى كوميتەتى – رۋستام تايسىنوۆ («Best position paper»), دىنمۇحامەد وماروۆ («Best speaker»), جانەركە ماراتقىزى («Best delegate»); ەكونوميكالىق جانە كولىك ينتەگراتسياسى كوميتەتى – دانيا بەرىكقىزى («Best speaker»), كاميلا مۇحتاروۆا («Best delegate»), شىڭعىس شايكەنوۆ («Best position paper»); الەۋمەتتىك-ەكونوميكالىق دامۋ جانە تۇراقتى ءوسىم كوميتەتى – قاجات ءشانتى («Best delegate»), سانجار قويشىبەك («Best position paper»), اقبوتا نىعمەتوللا («Best speaker»); ادام قۇقىقتارى, ازاماتتىق قاتىسۋ جانە قاقتىعىستاردى رەتتەۋ كوميتەتى – ايكۇنىم جۇبان («Best delegate»), ايدانا قاۋمەت («Best position paper»), يسابەك ابدۋللازيز («Best speaker»).
