فوتو: ەڭبەك جانە حالىقتى الەۋمەتتىك قورعاۋ مينيسترلىگى
«پرەزيدەنت جولداۋىندا «ەڭبەك نارىعىن, اسىرەسە كوشى-قون ماسەلەسىن رەتتەۋ سالاسىندا ەسەپكە الۋدىڭ ورتالىقتاندىرىلعان جۇيەسى جوق» دەپ اتاپ وتكەنى ءمالىم. مەملەكەت باسشىسى ميگراتسيالىق پروتسەسستەردى مەملەكەتتىك رەتتەۋدىڭ تيىمدىلىگى تومەندىگىنە دە باسا نازار اۋداردى. ءارتۇرلى ساراپشىلاردىڭ ەسەبىنشە, ەڭبەك نارىعىندا 2030 جىلى ەڭبەك رەسۋرستارىنىڭ جەتىسپەۋشىلىگى 1,8 ملن ادامعا جەتۋى ىقتيمال! قازىردىڭ وزىندە ەلىمىزدىڭ ەڭبەك نارىعىندا اسىرەسە اۋىلدىق جەرلەردە, 900-مىڭ مامان جەتىسپەيدى», دەيدى دەپۋتاتتار.
ولاردىڭ ايتۋىنشا, جاعدايدى رەتتەۋ ءۇشىن ۇكىمەت كەلەسى كەزەك كۇتتىرمەس قادامدار جاساۋى ءتيىس.
- سولتۇستىك-شىعىسقا كوشىپ كەلگەندە تۇرعىن ۇيگە ارنالعان ەكونوميكالىق موبيلدىك سەرتيفيكاتىنىڭ مولشەرىن 2 320 ايلىق ەكونوميكالىق كورسەتكىشكە, شامامەن 9,1 ملن تەڭگە دەيىن ۇلعايتۋ.
- كوشىپ كەلگەننەن كەيىن, ازامات ءۇي ساتىپ الۋعا مەملەكەتتەن الاتىن كومەك مەرزىمى ەكى جىلعا سوزىلىپ, كوشىپ كەتۋ مەرزىمى كومەك العاننان بەس جىلعا سوزۋ.
- مەملەكەتتىك قاراجات ەسەبىنەن سالىنعان تۇرعىن ءۇيدى جەكەشەلەندىرۋ ءتارتىبىن قايتا قاراستىرۋ.
- اۋىل شارۋاشىلىعى, ءبىلىم بەرۋ سالالارىندا مامانداردى تارتقان جۇمىس بەرۋشىلەرگە سۋبسيديالاردى ۇلعايتۋ.
- جۇمىس بەرۋشىلەرگە Enbek.kz پورتالىندا جۇمىس پەن تۇرعىن ءۇي تۋرالى اقپاراتتى جاريالاۋ مىندەتىن قاتاڭ ساقتاۋ. جاريالاماعانى ءۇشىن تارتىپتىك جازا قولدانۋ.
- كوشىپ كەلگەن قانداستار مەن كوشىپ كەلۋشىلەر ءۇشىن گرانت بەرۋ مەرزىمىن كەمىندە 5 جىل تۇرۋ شارتىمەن 5 جىلعا سوزۋ.
- جۇمىس بەرۋشىلەرگە قونىس اۋدارۋشىلار ءۇشىن تۇرعىن ءۇي ساتىپ الۋ نەمەسە سالۋعا 2%-دان اسپايتىن مولشەرلەمەمەن جانە 20 جىلعا دەيىنگى مەرزىممەن نەسيە بەرۋ.
- سولتۇستىك-شىعىس ايماقتارىنا كوشىپ كەلگەن كۇندىزگى بولىمدە وقيتىن وتباسى بار ستۋدەنتتەرگە «شارتتى جۇمىسسىز» مارتەبەسىن بەرۋ, ولاردى كۆوتاعا قوسۋ مۇمكىندىگىن قاراستىرۋ.
- شەتەلدە تۇراتىن قانداستاردى سولتۇستىك-شىعىس وڭىرلەرىنە ەڭبەك كۇشى رەتىندە تارتۋدىڭ جاڭا تەتىكتەرىن جاساۋ.
