فوتو:depositphotos.com
دەپۋتاتتىڭ ايتۋىنشا, بۇل ماسەلەنى ول بۇعان دەيىن ۇكىمەت دەڭگەيىندە دە كوتەرگەن, الايدا ازىرگە ناقتى شەشىم قابىلدانباعان.
«انا نەمەسە اكە بالاسىنىڭ جانىندا وتكىزە الاتىن قوسىمشا ءبىر ساعات – ونىڭ بولاشاعىنا سالىنعان ينۆەستيتسيا, وتباسىنىڭ بەرىك بولۋى, قوعامنىڭ تۇراقتىلىعى, بالانى بالاباقشادان ۋاقىتىندا الىپ كەتۋ مۇمكىندىگى. بالانىڭ تاربيەسى مەن دەنساۋلىعىنا كوبىرەك كوڭىل بولۋگە جول اشادى», دەدى ق.ابدەن.
ول قۇزىرلى ورگانداردى جانە ارىپتەس دەپۋتاتتاردى زاڭدى ەكىنشى وقىلىمدا قاراۋ كەزىندە وسى ۇسىنىستى ەسكەرۋگە شاقىردى.
الەمدىك تاجىريبە
قاراقات ابدەننىڭ ايتۋىنشا, كوپتەگەن دامىعان ەلدەردە كىشكەنتاي بالاسى بار اتا-انالار ءۇشىن قىسقارتىلعان جۇمىس كۇنى نەمەسە جۇمىس اپتاسى بۇرىننان قولدانىلادى جانە بۇل تاجىريبە ءتيىمدى ءارى عىلىمي تۇرعىدا دالەلدەنگەن.
«بۇل ارتىقشىلىق نەمەسە جەڭىلدىك رەتىندە ەمەس, وتباسىن نىعايتۋعا باعىتتالعان مەملەكەتتىك ستراتەگيانىڭ ءبىر بولىگى رەتىندە قاراستىرىلادى. قوسىمشا بيۋدجەت شىعىندارىن تالاپ ەتپەيدى. بۇل – قاراپايىم ءوزارا الماستىرۋ قاعيداتى, ونى ەڭبەك زاڭناماسىندا وڭاي رەتتەۋگە بولادى», دەدى دەپۋتات.
ەسكە سالايىق, ءبىر جىل بۇرىن قاراقات ابدەن سكانديناۆيالىق ەلدەردىڭ تاجىريبەسىنە سۇيەنە وتىرىپ, ايەلدەر ءۇشىن جۇمىس كۇنىن قىسقارتۋدى جانە اقىلى دەكرەتتىك دەمالىستى ەكى جىلعا دەيىن ۇزارتۋدى ۇسىنعانى ءمالىم.
