مەملەكەت باسشىسىنىڭ ءوڭىرارالىق ينتەگراتسيانى دامىتۋ جونىندەگى تاپسىرماسىنا وراي, شىعىسقازاقستاندىقتار شەكارالاس قىتاي ەلىنىڭ سۋبەكتىلەرىمەن كورشىلىك قارىم-قاتىناستاردى تەرەڭدەتىپ كەلەدى. بۇعان دەيىن قىتايدىڭ شاۋەشەك, ءدوربىلجىڭ, جەمەنەي, التاي سياقتى ايماقتارى مەن قالالارىندا ەكىجاقتى ارىپتەستىكتى جەتىلدىرۋ جونىندە بىرقاتار ساپارلار ۇيىمداستىرىلعان بولاتىن. قىتاي ەلىنىڭ دەلەگاتسيالارى دا شىعىس قازاقستان وڭىرىنە ءجيى كەلىپ, ىسكەرلىك ءھام مادەني قارىم-قاتىناستاردى جانداندىرا تۇسۋگە قۇمبىل بولىپ وتىر.
وبلىستىق تۋريزم جانە سىرتقى بايلانىستار باسقارماسىنىڭ ۇيىتقى بولۋىمەن وتكەن اپتادا قىتايدىڭ شۇار تارباعاتاي ايماعىنىڭ شاعانتوعاي اۋدانىندا ءۇرجار اۋدانىنىڭ كۇندەرى ءوتتى. اۋدان باسشىلارى, ونەرپازدارى مەن شىعارماشىلىق ۇجىمدارى جانە كاسىپكەرلەردەن قۇرالعان رەسمي دەلەگاتسيانى ءۇرجار اۋدانىنىڭ اكىمى سەرىك زاينۋلدين باستاپ باردى. قازاقستاندىق مەيمانداردى شاعانتوعاي اۋدانى پارتيا كوميتەتىنىڭ باس حاتشىسى تسزى ۋى بي باستاعان اۋدان باسشىلارى كۇتىپ الدى.
الدىمەن تاراپتار اراسىندا رەسمي كەزدەسۋ ءوتتى. شاعانتوعاي اۋدانى پارتيا كوميتەتىنىڭ باس حاتشىسى كورشى ورنالاسقان ءۇرجار اۋدانىمەن اراداعى ەكى جاقتى بايلانىستى دامىتۋعا مۇددەلى ەكەندىكتەرىن جەتكىزدى. ءۇرجار اۋدانىنىڭ اكىمى س.زاينۋلدين قوس اۋدان اراسىنداعى بايلانىس ۇلى جىبەك جولىنىڭ بويىندا ورنالاسقان قازاقستان مەن قىتاي ەلدەرىنىڭ اراسىنداعى دوستىق قارىم-قاتىناستاردان باستاۋ الاتىنىن, ەلىمىزدىڭ تاۋەلسىزدىگىن العان شيرەك عاسىرعا جۋىق ۋاقىتتا وتە اۋقىمدى جۇمىستار اتقارىلعانىن, ەكى ەلدىڭ اراسىنداعى 2002 جىلى 23 جەلتوقساندا قول قويىلعان قۇجاتقا بايلانىستى دامۋ باعدارلاماسى ايقىندالعانىن اتاپ ءوتتى.
– بۇگىندە قوس اۋدان اراسىندا اۋىل شارۋاشىلىعى, دەنساۋلىق ساقتاۋ, سپورت, تۋريزم سالاسىن دامىتۋدا بىرقاتار جۇمىستار اتقارىلدى. ءۇرجار – ەكى جارىم ملن. گەكتارداي جەرى, تارباعاتايداي تاۋى, الاكولدەي كولى, بارقىتبەلدەي بەلى, بارلىق-اراسانداي شيپالى سۋى بار, تابيعاتى وتە قولايلى ۇلكەن اۋدان. بىلتىر بىزدە 30 ملرد. تەڭگەنىڭ كولەمىندەگى اۋىل شارۋاشىلىعى ونىمدەرى ءوندىرىلدى. اۋداندا نەگىزىنەن بيداي, ءسۇت, ەت, بال, كۇنباعىس جانە زىعىر مايى وندىرىلەدى. سوندىقتان, ەكولوگيالىق قۇنارلى تازا ونىمدەرىمىزدى ساتىپ, حالىقتىڭ يگىلىگىنە جاراتۋدى كوزدەپ وتىرمىز, – دەدى اۋدان اكىمى س.زاينۋلدين.
كەزدەسۋ سوڭىندا قوس اۋدان باسشىلارى ەكىجاقتى كەلىسىمگە قول قويدى. اتالعان قۇجاتتا كورشى وڭىرلەردىڭ اراسىنداعى دوستىق قاتىناستى جانداندىرۋ, باۋىرلاس اۋداندار رەتىندە ساۋدا-ەكونوميكالىق, مادەني بايلانىستاردى ورىستەتۋ كوزدەلگەن.
ءۇرجاردىڭ شاعانتوعايداعى كۇندەرى اياسىندا «جاقسى دوس. جاقسى كورشى. بىزدەر جاقسى سەرىكتەس» اتتى كوركەمونەر مادەنيەت الماستىرۋ ساۋىق كەشى ءوتتى. شاعانتوعاي اۋدانىنىڭ مادەنيەت سارايىندا ەكى كۇن قاتارىنان وتكەن كونتسەرتتىك كەشتە ەكى ەل اۋداندارىنىڭ ونەرپازدارى دايارلاعان ءتۇرلى ءان مەن بي, قويىلىمدار جەرگىلىكتى جۇرتتىڭ كوڭىلىن كوتەردى. كەش سوڭىندا ۇرجارلىق نۇربول شەرۋباەۆ پەن شاعانتوعايلىق چا تيان تيان «دۋدار-اي» ءانىن قازاق جانە حانزۋ تىلىندە ورىنداپ, كورەرمەندەردىڭ قوشەمەتىنە يە بولدى.
شاعانتوعاي اۋدانىنىڭ ورتالىعىندا وتكەن جارمەڭكەگە ون مىڭنان اسا حالىق جينالدى. جارمەڭكەدە ءۇرجار اۋدانىنداعى ماقانشى, بەستەرەك, باقتى, قاراتال جانە باسقا دا اۋىلداردىڭ فەرمەرلەرى مەن كاسىپكەرلەرى ءوز ونىمدەرى مەن تاۋارلارىن ۇسىندى. بۇگىندە ۇرجارلىق ساۋداگەرلەر مەن تۋريستەر قىتاي ەلىنە بارۋعا بەرىلەتىن ءبىر كۇندىك جانە ءۇش كۇندىك ۆيزانى ءتيىمدى پايدالانىپ ءجۇر. قىتايدا ەكولوگيالىق تازا ونىمدەر رەتىندە قازاقستاندىق تاۋارعا سۇرانىس جوعارى.
سونداي-اق, ۇرجارلىق دەلەگاتسيا شاعانتوعاي اۋدانىندا ءتۋريزمدى دامىتۋ ماقساتىندا سالىنعان ايگىلى مەتسەنات باسپاي ءباپيننىڭ مۇراجايىمەن, قازاقتىڭ الىپ كيىز ءۇيىنىڭ قۇرىلىسىمەن, قارتتار ۇيىمەن, جەرگىلىكتى جۇڭعو ەمحاناسىمەن جانە باسقا دا الەۋمەتتىك نىساندارمەن تانىستى.
دۋمان اناش,
«ەگەمەن قازاقستان».
وسكەمەن – شاعانتوعاي – وسكەمەن.
مەملەكەت باسشىسىنىڭ ءوڭىرارالىق ينتەگراتسيانى دامىتۋ جونىندەگى تاپسىرماسىنا وراي, شىعىسقازاقستاندىقتار شەكارالاس قىتاي ەلىنىڭ سۋبەكتىلەرىمەن كورشىلىك قارىم-قاتىناستاردى تەرەڭدەتىپ كەلەدى. بۇعان دەيىن قىتايدىڭ شاۋەشەك, ءدوربىلجىڭ, جەمەنەي, التاي سياقتى ايماقتارى مەن قالالارىندا ەكىجاقتى ارىپتەستىكتى جەتىلدىرۋ جونىندە بىرقاتار ساپارلار ۇيىمداستىرىلعان بولاتىن. قىتاي ەلىنىڭ دەلەگاتسيالارى دا شىعىس قازاقستان وڭىرىنە ءجيى كەلىپ, ىسكەرلىك ءھام مادەني قارىم-قاتىناستاردى جانداندىرا تۇسۋگە قۇمبىل بولىپ وتىر.
وبلىستىق تۋريزم جانە سىرتقى بايلانىستار باسقارماسىنىڭ ۇيىتقى بولۋىمەن وتكەن اپتادا قىتايدىڭ شۇار تارباعاتاي ايماعىنىڭ شاعانتوعاي اۋدانىندا ءۇرجار اۋدانىنىڭ كۇندەرى ءوتتى. اۋدان باسشىلارى, ونەرپازدارى مەن شىعارماشىلىق ۇجىمدارى جانە كاسىپكەرلەردەن قۇرالعان رەسمي دەلەگاتسيانى ءۇرجار اۋدانىنىڭ اكىمى سەرىك زاينۋلدين باستاپ باردى. قازاقستاندىق مەيمانداردى شاعانتوعاي اۋدانى پارتيا كوميتەتىنىڭ باس حاتشىسى تسزى ۋى بي باستاعان اۋدان باسشىلارى كۇتىپ الدى.
الدىمەن تاراپتار اراسىندا رەسمي كەزدەسۋ ءوتتى. شاعانتوعاي اۋدانى پارتيا كوميتەتىنىڭ باس حاتشىسى كورشى ورنالاسقان ءۇرجار اۋدانىمەن اراداعى ەكى جاقتى بايلانىستى دامىتۋعا مۇددەلى ەكەندىكتەرىن جەتكىزدى. ءۇرجار اۋدانىنىڭ اكىمى س.زاينۋلدين قوس اۋدان اراسىنداعى بايلانىس ۇلى جىبەك جولىنىڭ بويىندا ورنالاسقان قازاقستان مەن قىتاي ەلدەرىنىڭ اراسىنداعى دوستىق قارىم-قاتىناستاردان باستاۋ الاتىنىن, ەلىمىزدىڭ تاۋەلسىزدىگىن العان شيرەك عاسىرعا جۋىق ۋاقىتتا وتە اۋقىمدى جۇمىستار اتقارىلعانىن, ەكى ەلدىڭ اراسىنداعى 2002 جىلى 23 جەلتوقساندا قول قويىلعان قۇجاتقا بايلانىستى دامۋ باعدارلاماسى ايقىندالعانىن اتاپ ءوتتى.
– بۇگىندە قوس اۋدان اراسىندا اۋىل شارۋاشىلىعى, دەنساۋلىق ساقتاۋ, سپورت, تۋريزم سالاسىن دامىتۋدا بىرقاتار جۇمىستار اتقارىلدى. ءۇرجار – ەكى جارىم ملن. گەكتارداي جەرى, تارباعاتايداي تاۋى, الاكولدەي كولى, بارقىتبەلدەي بەلى, بارلىق-اراسانداي شيپالى سۋى بار, تابيعاتى وتە قولايلى ۇلكەن اۋدان. بىلتىر بىزدە 30 ملرد. تەڭگەنىڭ كولەمىندەگى اۋىل شارۋاشىلىعى ونىمدەرى ءوندىرىلدى. اۋداندا نەگىزىنەن بيداي, ءسۇت, ەت, بال, كۇنباعىس جانە زىعىر مايى وندىرىلەدى. سوندىقتان, ەكولوگيالىق قۇنارلى تازا ونىمدەرىمىزدى ساتىپ, حالىقتىڭ يگىلىگىنە جاراتۋدى كوزدەپ وتىرمىز, – دەدى اۋدان اكىمى س.زاينۋلدين.
كەزدەسۋ سوڭىندا قوس اۋدان باسشىلارى ەكىجاقتى كەلىسىمگە قول قويدى. اتالعان قۇجاتتا كورشى وڭىرلەردىڭ اراسىنداعى دوستىق قاتىناستى جانداندىرۋ, باۋىرلاس اۋداندار رەتىندە ساۋدا-ەكونوميكالىق, مادەني بايلانىستاردى ورىستەتۋ كوزدەلگەن.
ءۇرجاردىڭ شاعانتوعايداعى كۇندەرى اياسىندا «جاقسى دوس. جاقسى كورشى. بىزدەر جاقسى سەرىكتەس» اتتى كوركەمونەر مادەنيەت الماستىرۋ ساۋىق كەشى ءوتتى. شاعانتوعاي اۋدانىنىڭ مادەنيەت سارايىندا ەكى كۇن قاتارىنان وتكەن كونتسەرتتىك كەشتە ەكى ەل اۋداندارىنىڭ ونەرپازدارى دايارلاعان ءتۇرلى ءان مەن بي, قويىلىمدار جەرگىلىكتى جۇرتتىڭ كوڭىلىن كوتەردى. كەش سوڭىندا ۇرجارلىق نۇربول شەرۋباەۆ پەن شاعانتوعايلىق چا تيان تيان «دۋدار-اي» ءانىن قازاق جانە حانزۋ تىلىندە ورىنداپ, كورەرمەندەردىڭ قوشەمەتىنە يە بولدى.
شاعانتوعاي اۋدانىنىڭ ورتالىعىندا وتكەن جارمەڭكەگە ون مىڭنان اسا حالىق جينالدى. جارمەڭكەدە ءۇرجار اۋدانىنداعى ماقانشى, بەستەرەك, باقتى, قاراتال جانە باسقا دا اۋىلداردىڭ فەرمەرلەرى مەن كاسىپكەرلەرى ءوز ونىمدەرى مەن تاۋارلارىن ۇسىندى. بۇگىندە ۇرجارلىق ساۋداگەرلەر مەن تۋريستەر قىتاي ەلىنە بارۋعا بەرىلەتىن ءبىر كۇندىك جانە ءۇش كۇندىك ۆيزانى ءتيىمدى پايدالانىپ ءجۇر. قىتايدا ەكولوگيالىق تازا ونىمدەر رەتىندە قازاقستاندىق تاۋارعا سۇرانىس جوعارى.
سونداي-اق, ۇرجارلىق دەلەگاتسيا شاعانتوعاي اۋدانىندا ءتۋريزمدى دامىتۋ ماقساتىندا سالىنعان ايگىلى مەتسەنات باسپاي ءباپيننىڭ مۇراجايىمەن, قازاقتىڭ الىپ كيىز ءۇيىنىڭ قۇرىلىسىمەن, قارتتار ۇيىمەن, جەرگىلىكتى جۇڭعو ەمحاناسىمەن جانە باسقا دا الەۋمەتتىك نىساندارمەن تانىستى.
دۋمان اناش,
«ەگەمەن قازاقستان».
وسكەمەن – شاعانتوعاي – وسكەمەن.
سوڭعى جاڭالىقتار
پاۆلوداردا سالىنىپ جاتقان ەرتىس كوپىرىندە ەكىنشى رەت ءورت شىقتى
ايماقتار • كەشە
كادردىڭ قادىرىن كەتىرمەسەك يگى...
قوعام • كەشە
مەملەكەت باسشىسى تاجىكستان پرەزيدەنتى ەمومالي راحمونمەن كەزدەستى
پرەزيدەنت • كەشە
قازاقستان موڭعوليانى بيدايمەن قامتاماسىز ەتەدى
قازاقستان • كەشە
اقتاۋداعى ساۋدا ورتالىعىندا بومبا قويىلعانى راس پا؟
ايماقتار • كەشە
مەملەكەت باسشىسى بىرقاتار ماڭىزدى زاڭعا قول قويدى
پرەزيدەنت • كەشە
كەنشىلەرگە بەرىلەتىن وتەماقى قالاي وزگەرەدى؟
قوعام • كەشە
