1000 توننا بولاتىن ەكسپورتتىق پارتيا كولەمى 2025 جىلعى قازان ايىندا «ازىق-ت ۇلىك كەلىسىمشارت كورپوراتسياسى» ۇق» اق مەن «باگراميان» جشس اراسىنداعى كەلىسىم-شارت اياسىندا جۇزەگە اسىرىلدى.
ارمەنيا نارىعىنا العاشقى استىقتى جەتكىزۋ ءۇشىن ۇلتتىق وپەراتور ءارتۇرلى ساپاداعى بيداي ۇسىنىسىن جاسادى, ونىڭ ىشىندە 27-28% ءدان ماڭىزى بار جوعارى اقۋىزدى hi-pro بيدايى دا بولدى, الايدا ساتىپ الۋشى 4-سىنىپتى بيدايعا تاڭداۋ جاسادى.
كەلىسىم-شارتقا سايكەس, «ازىق-ت ۇلىك كەلىسىمشارت كورپوراتسياسى» جاڭا تەمىرجول باعىتى ارقىلى 15 ۆاگون استىقتى دالاريك ستانتسياسىنا جونەلتتى.
بۇل جول قازاقستاننان ارمەنياعا رەسەي, ازەربايجان جانە گرۋزيا ارقىلى وتەتىن ترانزيتتىك جاڭا لوگيستيكالىق باعىتتى سىناقتان ءساتتى وتكىزدى.
استىق ەكسپورتىنا ارنالعان ترانسپورتتىق شىعىندارعا سۋبسيديالار سياقتى قولدانىستاعى مەملەكەتتىك قولداۋ شارالارى ارميان تۇتىنۋشىلارى ءۇشىن لوگيستيكالىق شىعىنداردى ايتارلىقتاي تومەندەتۋگە مۇمكىندىك بەردى.
«باگراميان» جشس جەتەكشىسى ارتاك شاتۆورياننىڭ ايتۋىنشا, قازاقستان بيدايى كەلىسىم-شارت تالاپتارىنىڭ سايكەستىگىمەن عانا ەمەس, جوعارى ساپاسىمەن دە تاڭقالدىرعان.
– ءبىز باستاپقىدا استىقتى مال ازىعى رەتىندە الدىق, الايدا زەرتحانالىق سىناق ناتيجەلەرى 4-سىنىپتى قازاقستاندىق بيدايدىڭ جوعارى ساپاسىن كورسەتتى. ەكسپورتتىق پارتيانىڭ بارلىق كورسەتكىشتەرى - تىعىزدىعى, پروتەين مولشەرى, قۇلاپ ءتۇسۋ سانى كەلىسىم-شارت تالاپتارىنان ايتارلىقتاي اسادى, ال بيداي ۇن وندىرۋگە دە جارامدى. ءبىز جەتكىزىلىمگە تولىق قاناعاتتاندىق جانە بولاشاقتا قازاقستاندىق قاتتى جانە جۇمساق بيدايدى تۇراقتى ساتىپ الۋ مۇمكىندىگىن قاراستىرامىز», – دەدى ساتىپ الۋشى كومپانيا وكىلى.
ايتا كەتۋ كەرەك, 4-سىنىپتى بيداي جەتكىزۋ جونىندەگى كەلىسىمگە قاراماستان, اتالعان كورپوراتسيا ارميان سەرىكتەستەرىنە جاقسارتىلعان سيپاتتامالارى بار استىق جونەلتتى. مىسالى, قۇلاپ ءتۇسۋ سانى – 235–334 سەكۋند, تاعىزدىعى – 775 گ/ل, پروتەين مولشەرى – 12,8%, ءدانماڭىزى – 20%, بۇل استىقتىڭ ساپاسىن جانە ونىڭ نان ونىمدەرىن جاساۋعا جارامدىلىعىن كورسەتەدى.
سونىمەن قاتار, ۇلتتىق وپەراتور تۇتىنۋشى سۇرانىسىنا بايلانىستى ءارتۇرلى ساپالى استىق, سونىڭ ىشىندە 3 جانە 4 سىنىپتى قاتتى جانە جۇمساق بيداي, سونداي-اق تومەن سىنىپتى استىق جەتكىزۋ مۇمكىندىگىنە يە.
ءداستۇر بويىنشا, قازاقستاندىق استىق شەتەلدىك ساتىپ الۋشىلار اراسىندا جوعارى ساپاسى مەن ايقىن ناندىق قاسيەتتەرىمەن باعالانادى, سونداي-اق ونى كەيدە ۇندى جاقسارتۋشى رەتىندە قولدانادى.
