AI-Sana – جاس زەرتتەۋشىلەردى, ستۋدەنتتەردى جانە يندۋستريا ماماندارىن بىرىكتىرىپ, جاساندى ينتەللەكت تەحنولوگيالارىن قولداناتىن يننوۆاتسيالىق تسيفرلىق شەشىمدەر ازىرلەۋگە مۇمكىندىك بەرەتىن بىرەگەي پلاتفورما. باعدارلاما جوبالىق مادەنيەتتى دامىتۋعا, پەرسپەكتيۆالى يدەيالاردى قولداۋعا جانە جاساندى ينتەللەكتىنى بەلسەندى قولداناتىن قازاقستاننىڭ جاڭا تەحنولوگيالىق كوشباسشىلارىن دايارلاۋعا باعىتتالعان.
فورۋمدا ستۋدەنتتىك جوبالار قورعالدى, سالماقتى وي, ۇتىمدى ۇسىنىستار ايتىلدى. ستۋدەنتتەر ءتۇرلى سالاداعى ۇدەرىستەردى جاقسارتۋعا جانە ءومىر ساپاسىن ارتتىرۋعا باعىتتالعان پراكتيكالىق جوبالاردىڭ كەڭ سپەكترىن ۇسىندى. اتاپ ايتساق, «AgroLink» اۋىل شارۋاشىلىعى ونىمدەرىن تىكەلەي جەتكىزۋگە ارنالعان تسيفرلىق B2B پلاتفورماسى. كەستە بوتى – وقۋ ۇدەرىسىن ۇيىمداستىرۋعا ارنالعان ينتەللەكتۋالدى كومەكشى. «ColorJudge» – ماركەتينگ پەن ديزاينعا ارنالعان بەينەاناليز جۇيەسى. «Dravon» – ماركەتپلەيستەردەن باعالاردى جيناقتايتىن سمارت-اگرەگاتور. «Eye Tracking» – بالالارداعى اۋتيزم سپەكترى بۇزىلىستارىن ەرتە انىقتاۋعا ارنالعان جي جۇيەسى, «TagamCaloriScanAI» – تاماق ونىمدەرىنىڭ كالورياسىن باقىلاۋعا جانە دۇرىس تاماقتانۋ ادەتتەرىن قالىپتاستىرۋعا ارنالعان قوسىمشا, تاعىسىن تاعى.
بۇل جوبالار اۋىل شارۋاشىلىعى, مەديتسينا, ءبىلىم, قاۋىپسىزدىك جانە الەۋمەتتىك سالادا جاساندى ينتەللەكتىنىڭ ناقتى قولدانىلۋ مۇمكىندىكتەرىن دالەلدەيدى. ەڭ ماڭىزدىسى, جي تەحنولوگيالارىنىڭ الەۋەتىن AI-Sana باعدارلاماسى بويىنشا وقىعان ۋنيۆەرسيتەت ستۋدەنتتەرى كورسەتتى.
