فوتو: وقۋ-اعارتۋ مينيسترلىگى
اتا-انالارعا ارنايى دايىندىقتان وتكەن پەداگوگتەر مەن پسيحولوگتار ءدارىس بەرەدى, ەڭ كوپ سۇرانىسقا يە تاقىرىپتار: «تاربيەلەۋ – جەكە ۇلگى ارقىلى» جانە «بالالاردىڭ قاۋىپسىزدىگى – ەرەسەكتەردىڭ قامقورلىعى». بۇل ساباقتاردا اتا-انالار سەنىمدى نىعايتۋ, بالامەن ەموتسيونالدى بايلانىس ورناتۋ جانە تاۋەكەلدەردىڭ الدىن الۋ بويىنشا پايدالى كەڭەستەر الادى.
وقۋ-اعارتۋ مينيسترلىگىنىڭ مالىمەتىنشە, ساۋالناما ناتيجەلەرى اتا-انالاردىڭ بالالارىمەن قارىم-قاتىناسىنىڭ جاقسارعانىن كورسەتىپ وتىر. زەرتتەۋ سۇراقتارىنا جاۋاپ بەرگەن اتا-انالاردىڭ 72,6% بالالارىمەن كۇندە سويلەسە باستاعانىن, 89,6% قيىندىقتارعا دەر كەزىندە جاۋاپ بەرىپ ۇيرەنگەنىن, 78% بالانىڭ ورتاسىن جاقسى تاني باستاعانىن العا تارتىپ وتىر. ءاربىر ەكىنشى اتا-انا تاربيەلەۋ ءتاسىلىن قايتا قاراۋعا دايىن, ال شامامەن ۇشتەن ءبىرى بالالاردىڭ وقۋ جانە مادەني دامۋىنا بەلسەندى قاتىسا باستاعانىن ايتادى.
ايتا كەتەلىك, اتا-انالارعا پەداگوگيكالىق قولداۋ ورتالىقتارى 2023 جىلى «ادال ازامات» باعدارلاماسى شەڭبەرىندە ەلدەگى بارلىق مەكتەپتەردە ىسكە قوسىلدى.
