سپيكەردىڭ ايتۋىنشا, 2025 جىلى باسقارمامەن تابيعات پايدالانۋشىلاردىڭ ءوتىنىمى نەگىزىندە 6 500 تونناعا جۋىق بالىق اۋلاۋعا 590 مەملەكەتتىك قىزمەت كورسەتىلدى. ال, كاسىپشىلىك بالىق اۋلاۋ بويىنشا 2025 جىلدىڭ ءى جارتى جىلدىعىندا 4 150 توننا بالىق اۋلانعان.
- وڭىردە بالىق وسىرۋمەن ءۇش مەكەمە اينالاسادى. اتاپ ايتقاندا «Kazakh وsseter» عىلىمي وندىرىستىك كاسىپورنى» مەن «Caspian Riviera» جشس بەكىرە تۇقىمداس بالىق تۇرلەرىن ال, «Nataly Company» مەكەمەسى جايىن بالىعىن وسىرەدى. بۇل كاسىپورىندار بالىقتارىن سۋدى قايتا پادالانۋ ارقىلى, ياعني تۇيىق سۋ اينالىمى جۇيەسىندە ءوسىرىپ كەلەدى, - دەدى ارمان مولداشەۆ.
سونداي-اق, بريفينگ بارىسىندا سپيكەر تەڭىز جاعالاۋى بويىنشا 6 بالىق شارۋاشىلىق اۋدانى 33 ۋچاسكەگە بولىنگەندىگىن ايتتى.
- جىل باسىنان بەرى 21 كاسىپشىلىك بالىق اۋلاۋ ۋچاسكەسى 13 تابيعات پايدالانۋشىلارعا بەكىتىلىپ بەرىلگەن. ونىڭ تۇپقاراعان اۋدانى بويىنشا 13 بالىق شارۋاشىلىعى ۋچاسكەسى سەگىز تابيعات پايدالانۋشىعا, قاراقيا اۋدانى بويىنشا 8 بالىق شارۋاشىلىعى ۋچاسكەسى التى تابيعات پايدالانۋشىعا بەكىتىلگەن. قالعان 12 ۋچاسكە رەزەرۆتە, - دەدى ارمان مولداشەۆ.
ماڭعىستاۋ وبلىسى
