پاۆلودار وبلىسى شارباقتى اۋدانىنداعى بوبەكتەر باقشاسىندا ءبىر توپ تاربيەلەنۋشىسى وبلىستىق جۇقپالى اۋرۋلار اۋرۋحاناسىندا ەم قابىلداعانى انىقتالدى. الەۋمەتتىك جەلىدە بالالاردىڭ تاماقتان ۋلانۋى مۇمكىن ەكەنى ايتىلىپ جاتىر.
- 2025 جىلعى 7 قاراشادا «بالداۋرەن» بوبەكتەر باقشاسىنىڭ ءۇش تاربيەلەنۋشىسى پاۆلودار وبلىستىق جۇقپالى اۋرۋلار اۋرۋحاناسىنا جاتقىزىلدى. تاعى ءتورت بالا ءۇي جاعدايىندا باقىلاۋدا بولدى. اتالعان دەرەك بويىنشا «شارباقتى اۋداندىق سانيتارلىق-ەپيدەميولوگيالىق باقىلاۋ باسقارماسى» رمم تەكسەرۋ باستادى. بالاباقشادان سىنامالار الىنىپ, قاجەتتى زەرتحانالىق زەرتتەۋلەر جۇرگىزىلدى. رەسمي اقپارات تەكسەرۋ ناتيجەلەرىنەن كەيىن بەرىلەدى, - دەپ حابارلادى وڭىرلىك ءبىلىم بەرۋ باسقارماسىنان.
وبلىستىق بالالار اۋرۋحاناسىنىڭ ءباسپاسوز قىزمەتى ءۇش بالانىڭ جۇقپالى اۋرۋلار بولىمشەسىندە ەم قابىلداعانىن راستادى. بىراق دياگنوزدارى تۋرالى اقپارات بەرۋدەن باس تارتتى. بۇلدىرشىندەردىڭ بارلىعى بۇگىندە جازىلىپ, ۇيلەرىنە قايتارىلعان.
پاۆلودار وبلىسى
