• 08 تامىز, 2015

اقپارات اعىندارى

370 رەت

كورسەتىلدى

2 مين

وقۋ ءۇشىن

Egemen Qazaqstan

«قازاقستاننىڭ تۇرعىن ءۇي قۇرىلىس جيناق بانكى» اق قىركۇيەكتە تۇرعىن ۇيگە قاتىستى وتىنىشتەرىن قابىلداۋدى باستايدى. بۇعان «حالىقتىڭ بارلىق ساناتىنا ارنالعان تۇرعىن ءۇي» باعىتى بويىنشا ءىى توپتىڭ تالاپتارىنا سايكەس كەلەتىن تۇلعالار قاتىسا الادى.
الماتىدا شەكارا قىزمەتى اكادەمياسىنىڭ جاڭا وقۋ نىسانىنىڭ ىرگەتاسى قالاندى. وقۋ بەكەتى بولاشاقتا قر ۇقك شەكارا قىزمەتىمەن قىرعىزستان, تاجىكستان جانە اۋعانستان مەملەكەتى ءۇشىن شەكاراداعى باقىلاۋ-وتكىزۋ بەكەتتەرىندە قىزمەت اتقاراتىن كاسىپقوي وفيتسەرلەردى دايارلاۋعا پايدالانىلادى. ايتا كەتەيىك, جوسپار بويىنشا قۇرىلىس بيىلعى جىلدىڭ قازان ايىندا اياقتالادى.
قاراعاندى وبلىسىنىڭ تەمىرتاۋ قالاسىندا مەتالل بۇيىمدارىن شىعاراتىن تسەح ىسكە قوسىلدى. جوبانىڭ قۇنى 302,1 ملن. تەڭگەنى قۇرايدى. سونداي-اق, تسەحتا جاڭادان 20 جۇمىس ورنى اشىلدى.
اقتوبەدە 2015-2017 جىلدارى جالپى سوماسى 9,3 ملرد. تەڭگەنى قۇرايتىن 10 جوبا ىسكە قوسىلادى. سونىمەن قاتار, بيىل 5,1 ملرد. تەڭگەگە 5 جوبانى اياقتاۋ جانە ولاردىڭ بازاسىندا 220 جاڭا جۇمىس ورنىن قۇرۋ جوسپارلانىپ وتىر.
باتىس قازاقستان وبلىسىندا اگروونەركاسىپ كەشەنىن دامىتۋعا 2 ملرد. 450 ملن. تەڭگە قارالدى. بۇل قاراجاتتىڭ 7 ملرد. 258,5 ملن. تەڭگەسى اگروونەركاسىپ كەشەنىن دامىتۋعا جانە ازىق-ت ۇلىكتىك, ۆەتەريناريالىق, فيتوسانيتاريالىق قاۋىپسىزدىكتى قامتاماسىز ەتۋگە قاراستىرىلعان.
اتىراۋ وبلىسىندا استراحان–ماڭعىستاۋ سۋ قۇبىرىنىڭ جۇمىسى قايتا جانداندى. «قازترانسويل» اق-تىڭ حابارلاۋىنشا, ەندى اتالعان قۇبىر ارقىلى اۋىزسۋ تۇرعىندارعا قالىپتى تەحنولوگيالىق رەجىمدە جەتكىزىلەتىن بولادى.
پەتروپاۆلدا الداعى وقۋ جىلى قارساڭىندا 36 مەكتەپكە جاڭا وقۋلىقتار ساتىپ الۋ ءۇشىن قالالىق جانە رەسپۋبليكالىق بيۋدجەتتەن 156 ملن. تەڭگە ءبولىندى. سونىمەن قاتار, ءبىلىم ءبولىمى 14 باسپاحانامەن كەلىسىمدەر ورناتىپ, قالاداعى مەكتەپتەردى 100 پايىز وقۋلىقپەن قامتۋعا قول جەتكىزدى.