«ناۋرىز جۇمىسكەر» باعدارلاماسى اياسىندا بۇگىنگە دەيىن 1 990 وتانداسىمىز باسپانالى بولدى. ولاردىڭ بارلىعى – جۇمىسشى ماماندىق يەلەرى. ماماندار قۇرىلىس, ەلەكتر ەنەرگياسىن تاراتۋ كاسىپورىندارىندا, اۆتوموبيل وندىرىسىندە, كەن, مۇناي, گاز ءوندىرۋ, قايتا وڭدەۋ سالالارىندا جۇمىس ىستەيدى.
باعدارلامانىڭ جۇمىس ىستەۋ كەزەڭىندە ەڭ كوپ نەسيە ونەركاسىپ پەن قۇرىلىس سالاسىنىڭ قىزمەتكەرلەرىنە بەرىلدى. وسى سالالاردا ەڭبەك ەتىپ جۇرگەن 1 176 مامان باسپانالى بولدى. نەسيە سانى جونىنەن ەكىنشى ورىندا – كولىك سالاسىنىڭ ماماندارى, سالانىڭ 396 وكىلى تۇرعىن ۇيگە يە بولدى. ۇشتىكتى ەنەرگەتيكا سالاسى قورىتىندىلادى, وسى سەكتوردىڭ 269 مامانى قولجەتىمدى نەسيە راسىمدەي الدى.
سونىمەن قاتار «ناۋرىز جۇمىسكەر» باعدارلاماسىنىڭ قولداۋىمەن ءوز باسپاناسىن اۋىل شارۋاشىلىعى, سۋ رەسۋرستارى, سۋارمالى جەرلەر سالاسىنىڭ قىزمەتكەرلەرى دە الدى. باعدارلاما 1 143 كاسىپورىن مەن 8 230 جۇمىسشى ماماندىقتى قامتيدى. نەسيە الۋ ءۇشىن ارنايى كونكۋرسقا قاتىسۋ مىندەتتى ەمەس. جۇمىس بەرۋشىدەن قىزمەتكەردىڭ لاۋازىمى, ماماندىعى, كاسىپ ءتۇرىن كورسەتەتىن انىقتاما الىپ, ونى كەز كەلگەن «otbasybank» بولىمشەسىنە وتىنىشپەن تاپسىرۋ جەتكىلىكتى. جۇمىسشى ماماندىقتارى اتاۋلارىنىڭ ءتىزىمى, كاسىپكەرلىك قىزمەت تۇرلەرى, جۇمىس بەرۋشىدەن الىناتىن انىقتاما فورماسىمەن بانكتىڭ رەسمي سايتىندا تانىسۋعا بولادى.
«ناۋرىز جۇمىسكەر» باعدارلاماسىنا قاتىسۋشىلاردىڭ ورتاشا جاسى – 31 جاس. جۇمىسشى ماماندىق يەلەرى اراسىندا ايەلدەر دە بار. الىنعان نەسيەلەردىڭ شامامەن 20%-ى نازىك جاندىلارعا تيەسىلى. سولاردىڭ ءبىرى – اقكۇمىس قۇدايبەرگەن. تەمىرجول سالاسىندا ينجەنەر-تەحنولوگ بولىپ قىزمەت ەتەدى. جاس مامان كوكشەتاۋدا اتا-اناسىمەن بىرگە تۇرىپتى. «ناۋرىز جۇمىسكەر» باعدارلاماسىنىڭ كومەگىمەن اقكۇمىس استانادان پاتەر ساتىپ الدى.
– ستۋدەنت كەزىمدە «otbasybank»-تەن دەپوزيت اشتىم. جۇمىسقا كىرىسكەننەن كەيىن ونى مۇمكىندىگىمشە تولىقتىرا بەردىم. وسى ارەكەتىم نەسيە الۋدا كوپ كومەكتەستى. ءوز باسپانامنىڭ بولۋىن كوپتەن بەرى ارماندايتىنمىن. الدىمەن «ناۋرىز» باعدارلاماسىنا قاتىسۋدى ويلادىم, بىراق وندا كونكۋرس بار ەكەن, وتپەي قالۋ قاۋپى تۋدى. بانكتە «ناۋرىز جۇمىسكەر» باعىتىندا نەسيە الۋعا كەڭەس بەردى. باعدارلاما شارتى دا سايكەس كەلىپ تۇردى. نەسيەگە بەرگەن ءوتىنىشىم ماقۇلدانعانىنا, استانادان پاتەر العانىما قۋانىشتىمىن, – دەيدى اقكۇمىس.
«ناۋرىز جۇمىسكەر» باعىتى مەن «ناۋرىز» باعدارلاماسىنىڭ شارتتارى ءبىر. ايماقتار ءۇشىن نەسيەنىڭ ەڭ جوعارى سوماسى – 30 ملن, استانا مەن الماتى ءۇشىن – 36 ملن تەڭگە. ۇلكەن قالالار مەن وبلىس ورتالىقتارىندا تەك جاڭا باسپانا ساتىپ الۋعا بولادى. باعدارلاما قاتىسۋشىلارى وزدەرىنە قولايلى تۇرعىن ءۇي كەشەنىن, پاتەردى «باسپانا ماركەت» پورتالى (otbasybank.kz) ارقىلى تاڭداي الادى. قازىر وندا 10 262 پاتەر بار 593 نىسان ۇسىنىلعان.
ەكىنشى نارىقتاعى تۇرعىن ءۇيدى تەك مونوقالالاردا, اۋىلدىق ەلدى مەكەندەردە ساتىپ الۋعا بولادى. وسى ۋاقىتقا دەيىن 338 قاتىسۋشى ەكىنشى نارىقتان ءۇي ساتىپ الدى.
