سۋرەتتى تۇسىرگەن اۆتور
جوبانى دايىنداۋدا ريددەر قالاسى اكىمدىگىنىڭ, وبلىستىق سالالىق باسقارمالاردىڭ وكىلدەرى جانە شۆەيتساريانىڭ Bartholet Maschinenbau AG كومپانياسى ماماندارى قاتىسقان جۇمىس ساپارى مەن كەڭەسى وتكىزىلدى. ماماندار باتىس التايدىڭ تاۋ شاڭعىسىنا جارايدى-اۋ دەگەن تۇستارىن زەرتتەدى.
اەروفوتوتۇسىرىلىم ماتەريالدارى دايىندالىپ, جوبالاۋ ءۇشىن بارلىق باستاپقى دەرەكتەر جينالدى. ۋچاسكەلەردىڭ بولجامدى شەكارالارى انىقتالىپ, كەيبىر جەرلەردى مەملەكەتتىك ورمان قورى قۇرامىنان شىعارۋ ماسەلەسى قاراستىرىلدى. باعالاۋ ناتيجەلەرى بويىنشا ەكى اۋماقتى كەشەندى دامىتۋ ۇسىنىلدى.
قوشقارباي اسۋىنداعى ۋچاسكە تاۋ شاڭعىسى مەن جالپى تۋريزمگە باعىتتاسا, ەندىگى ءبىر تاۋ سىلەمى ەكسترەمالدى تۋريزمگە باعىتتالادى دەگەن توقتامعا كەلدى.
«اۋماقتاردى ءبىرتۇتاس ينفراقۇرىلىمدىق جۇيەگە بىرىكتىرۋ مۇمكىندىگى دە قاراستىرىلىپ جاتىر. الىنعان ماتەريالدار جوبانىڭ تۇجىرىمداماسى مەن تەحنيكالىق شەشىمدەرىن ازىرلەۋ ءۇشىن شۆەيتساريا كومپانياسىنا تاپسىرىلدى», دەدى ريددەر قالاسىنىڭ اكىمى مىندەتىن اتقارۋشى قانىبەك تولەۋحان.
«اناتاۋ» جوباسى ىسكە اسقاندا, ريددەردە زاماناۋي جىل بويعى تۋريستىك كلاستەر پايدا بولىپ, قىسقى, جازعى دا دەمالىس تۇرلەرى كوبەيەدى. وسىلايشا, ريددەر شىعىس قازاقستانداعى ەكولوگيالىق ءتۋريزمنىڭ جاڭا ورتالىعىنا اينالادى.
ريددەر
