فوتو: اشىق دەرەككوز
نەسيە قولجەتىمدىلىگىن ارتتىرۋ ءۇشىن بانكتەرگە كەپىلدىك بەرۋ مەحانيزمى ەنگىزىلگەن. ناتيجەسىندە «دامۋ» قورى بيىل 1300 نەسيەگە كەپىلدىك بەرىپ, مۇلكى جەتكىلىكسىز شاعىن جانە ورتا شارۋالاردىڭ قارجى الۋ ماسەلەسىن شەشۋگە جول اشتى.
«نەسيە قولجەتىمدى بولۋى ءۇشىن بانكتەرگە قۇزىرلى مەكەمە تاراپىنان كەپىلدىك بەرۋ ءتاسىلى ەنگىزىلدى. بيىل «دامۋ» قورى 1300 نەسيەگە كەپىلدىك بەردى. ءسويتىپ نەسيە الۋعا مۇلكى جەتكىلىكسىز كوپتەگەن شارۋانىڭ, اسىرەسە, شاعىن جانە ورتا دەڭگەيدەگى فەرمەرلەردىڭ ماسەلەسى وڭ شەشىمىن تاپتى», دەدى پرەزيدەنت.
بۇگىندە شارۋالار ساتىپ الىپ جاتقان تەحنيكانىڭ 90 پايىزى – قازاقستاندا قۇراستىرىلعان ءونىم. ەلدەگى 10 زاۋىتتا الەمگە تانىمال برەندتەردى قوسا العاندا, 19 ءتۇرلى تەحنيكا شىعارىلادى. پرەزيدەنت جۋىرداعى اقش ساپارىندا John Deere كومپانياسىمەن قۇنى 2,5 ميلليارد دوللار بولاتىن ستراتەگيالىق سەرىكتەستىك تۋرالى كەلىسىمگە قول قويعانىن اتاپ ءوتتى. كەلىسىم اياسىندا الداعى بەس جىلدا قازاقستاندا 3 مىڭعا جۋىق زاماناۋي تەحنيكا شىعارىلماق.
