قازاقستاندا ەڭ تومەنگى جالاقىنى كىمدەر الادى؟

ۇلتتىق ستاتيستيكا بيۋروسىنىڭ دەرەكتەرىنە سايكەس, ەڭ تومەنگى جالاقىنى 16 مەن 24 جاس ارالىعىنداعى قىزمەتكەرلەر الادى. ال, ەڭ جوعارى تابىس 35 پەن 44 جاس ارالىعىنداعى قىزمەتكەرلەرگە تيەسىلى – 455,1 مىڭ تەڭگە. 45 پەن 54 جاستاعىلاردىڭ ورتاشا جالاقىسى – 430 مىڭ تەڭگە, 55 جاستان اسقاندار – 377,4 مىڭ تەڭگە, ال زەينەتكەرلەر – 337,3 مىڭ تەڭگە تابىس تابادى.

ءبىلىم دەڭگەيى بويىنشا ەڭ جوعارى تابىس جوعارى ديپلومى بار مامانداردا – 672,5 مىڭ تەڭگە. ورتاشا جالاقى – 497 600 تەڭگە. ال, ورتا ءبىلىمدى قىزمەتكەرلەردىڭ ورتاشا جالاقىسى 289,7 مىڭ تەڭگەنى قۇراپ, جىلدىق ءوسىمى 10,5%-دى كورسەتكەن.

2025 جىلدىڭ III توقسانىندا ەلىمىزدەگى ورتاشا نومينالدى جالاقى 429,4 مىڭ تەڭگەنى قۇرادى. بۇل 2019 جىلمەن سالىستىرعاندا 2,3 ەسە جوعارى.

ايماقتار بويىنشا ەڭ جوعارى جالاقى كەلەسى قالالارعا تيەسىلى:

• اتىراۋ – 633,3 مىڭ تەڭگە;
• ماڭعىستاۋ – 580,9 مىڭ تەڭگە;
• ۇلىتاۋ – 533,6 مىڭ تەڭگەنى.

ال, ەڭ تومەنگى جالاقى سولتۇستىك قازاقستان, جەتىسۋ جانە تۇركىستان وبلىستارىندا (شامامەن 293-295 مىڭ تەڭگە) بايقالادى.

ماماندىعى بويىنشا باسشىلار مەن مەملەكەتتىك قىزمەتكەرلەر ەڭ جوعارى تابىس تابادى – 685 900 تەڭگە. ورتاشا جالاقى – 338 600 تەڭگەنى قۇرايدى. ونەركاسىپ, كولىك, قۇرىلىس سالالارىنداعى جۇمىسشىلار, وپەراتورلار جانە جۇرگىزۋشىلەر 460 000 تەڭگەدەن استام تابىس تابادى. ماماندار 443 000 تەڭگە تابادى. بىلىكتى ەمەس جۇمىسشىلار 180 200 تەڭگە تابادى.

جىنىس بويىنشا ەرلەردىڭ تابىسى ايەلدەردەن جوعارى, ونەركاسىپ سالاسىندا ايىرماشىلىق 26,3%-عا جەتەدى, ال قىزمەت كورسەتۋ مەن ساتۋ سەكتورىندا 4,1%-دى قۇرايدى.

جالاقى كولەمى بويىنشا قىزمەتكەرلەردىڭ 31,1%-ى – 300-400 مىڭ تەڭگە, 21,7%-ى – 200-300 مىڭ تەڭگە, 23%-ى – 500 مىڭ تەڭگە تابىس تابادى. ال, 3,9%-ى (130,5 مىڭ ادام) – 1,1 ملن تەڭگەدەن اسا جالاقى الاتىندار.