فوتو: pinterest.com
اگەنتتىكتىڭ مالىمدەۋىنشە, سانكتسيا تىزىمىنە حاركوۆتەگى GK Imperativ Ukraina LLC جانە كيەۆ پەن حاركوۆ قالالارىندا جۇمىس ىستەيتىن Ekofera LLC ەنگىزىلگەن. تەرگەۋ ماتەريالدارىنا قاراعاندا, يران وسى كومپانيالار ارقىلى ۋكراينادان اۆياتسيا مەن زىمىران وندىرىسىنە قاجەتتى اەروكوسموستىق ونىمدەرگە تاپسىرىس بەرىپ وتىرعان. ولاردىڭ قاتارىندا اۆياگوريزونت, ماگنيتومەتر, قوزعالتقىش جانە گەنەراتور بولشەكتەرى بار. كەيىن بۇل جابدىقتار يراننىڭ HESA اۆياتسيالىق-ونەركاسىپتىك كاسىپورنىنا جەتكىزىلگەنى ايتىلادى.
قارجى مينيسترلىگى شەكتەۋلەردىڭ جاپپاي قىرىپ-جويۋ قارۋىن تاراتۋعا قاتىسى بار تۇلعالارعا باعىتتالعان 13382 اتقارۋشىلىق جارلىق اياسىندا ەنگىزىلگەنىن حابارلادى. وسى جارلىققا سايكەس HESA كومپانياسىنا قارجىلاي, تەحنولوگيالىق نەمەسە وزگە دە قولداۋ كورسەتۋ ارەكەتىنىڭ ءبارى سانكتسياعا نەگىز بولا الادى.
ۆەدومستۆونىڭ دەرەگىنشە, ۋكراينالىق كاسىپورىندار يراننىڭ Ababil زىمىراندارى مەن Shahed سەرياسىنداعى دروندارى ءۇشىن قاجەتتى بولشەكتەردى ساتىپ الۋمەن اينالىسقان كەڭ كولەمدى ترانسۇلتتىق جەلىنىڭ ءبىر بولىگى بولعان. بۇل جۇيەگە ءباا, تۇركيا, قىتاي, گونكونگ, ءۇندىستان جانە گەرمانيادا ورنالاسقان بىرنەشە كومپانيا كىرگەن. اتالعان مەملەكەتتەردىڭ كاسىپورىندارىنا دا اقش تاراپىنان شەكتەۋلەر قويىلدى.
