ءىس ماتەريالدارىنا سايكەس, 2025 جىلعى 5 شىلدە كۇنى شامامەن ساعات 16:00-دە د. ەسىمدى جۇرگىزۋشى Kia Sedona ماركالى كولىگىمەن الماتى – ەكاتەرينبۋرگ تاسجولىمەن بالقاش باعىتىنا قاراي جۇرگەن. 791-شاقىرىم تۇسىندا ول جول بەلگىلەرىن ەلەمەي, اق ءتۇستى Toyota كولىگىن باسىپ وزباق بولىپ, قارسى باعىتتاعى جولاققا شىققان.
وسى ساتتە ول جۇك كولىكتەرىنىڭ سالماعىن ولشەيتىن جابدىق ورناتۋعا ارنالعان شۇڭقىرعا تۇسكەن. سالدارىنان Kia Sedona جولدىڭ ەكى جاعىنداعى مەتالل قورشاۋلارعا سوعىلىپ, ورتەنىپ كەتتى.
وقيعا ورنىندا كولىكتەگى جەتى جولاۋشى كوز جۇمدى. ال جۇرگىزۋشى مەن تاعى ءبىر ادام جاراقات الىپ, شەت اۋداندىق اۋرۋحاناسىنا جەتكىزىلدى. مەديتسينالىق ساراپتاما جولاۋشىنىڭ ورتاشا اۋىر جاراقاتتار العانىن انىقتاعان.
ايىپتالۋشىنىڭ كىناسى ءوز مويىنداۋى, جابىرلەنۋشىلەر مەن كۋالاردىڭ ايعاقتارى, جول اپاتىنىڭ سىزباسى, ساراپتاما قورىتىندىلارى جانە باسقا دا دالەلدەرمەن راستالدى.
مەملەكەتتىك ايىپتاۋشى سوتتان د.-عا بەس جىل باس بوستاندىعىنان ايىرۋ جازاسىن تاعايىنداۋدى سۇرادى. جابىرلەنۋشىلەردىڭ ءبىرى قاتاڭىراق جازا قولدانۋدى تالاپ ەتسە, قالعاندارى پروكۋروردىڭ تالابىن قولدادى.
قورعاۋشى تاراپ سوتتان ايىپتالۋشىنىڭ وكىنۋىن ەسكەرىپ, ەڭ تومەنگى مەرزىمدە جازا تاعايىنداۋدى سۇرادى.
زاڭ بويىنشا بۇل قىلمىس ءۇشىن 5 جىلدان 10 جىلعا دەيىن باس بوستاندىعىنان ايىرۋ جازاسى كوزدەلگەن. سوت ايىپتالۋشىنىڭ كامەلەتكە تولماعان بالاسى بار ەكەنىن, سونداي-اق ونىڭ كىناسىن مويىنداپ, وكىنگەنىن ەسكەردى,سول سياقتى اۋىرلاتاتىن ءمان-جايلار انىقتالعان جوق.
ناتيجەسىندە سوت د.-عا بەس جىل باس بوستاندىعىنان ايىرۋ جانە جەتى جىل مەرزىمگە كولىك جۇرگىزۋ قۇقىعىنان ايىرۋ جازاسىن تاعايىندادى. ول جازاسىن قاۋىپسىزدىگى تومەن كولونيادا وتەيدى.
ۇكىم ءالى زاڭدى كۇشىنە ەنگەن جوق.
