فوتو: اقوردا
14 قاراشا كۇنى پرەزيدەنت قاسىم-جومارت توقاەۆ استانادا وتەتىن اۋىل شارۋاشىلىعى ەڭبەككەرلەرىنىڭ ەكىنشى فورۋمىنا قاتىسادى. جيىن بارىسىندا اگرارلىق سالانى دامىتۋدىڭ وزەكتى ماسەلەلەرى تالقىلانادى.
14-15 قاراشا كۇندەرى قاسىم-جومارت توقاەۆ وزبەكستان پرەزيدەنتى شاۆكات ميرزيوەۆتىڭ شاقىرۋىمەن تاشكەنتكە مەملەكەتتىك ساپارمەن بارادى.
مەملەكەتتەر باسشىلارى تەت-ا-تەت فورماتىندا كەلىسسوز جۇرگىزەدى, سونداي-اق پرەزيدەنتتەردىڭ توراعالىعىمەن قازاقستان-وزبەكستان جوعارى مەملەكەتارالىق كەڭەسىنىڭ ەكىنشى وتىرىسى وتەدى.
16 قاراشادا پرەزيدەنت تاشكەنتتە وتەتىن ورتالىق ازيا جانە ازەربايجان مەملەكەتتەرى باسشىلارىنىڭ VII كونسۋلتاتيۆتىك كەزدەسۋىنە قاتىسادى.
17-19 قاراشا كۇندەرى استاناعا ەستونيا پرەزيدەنتى الار كاريس مەملەكەتتىك ساپارمەن كەلەدى.
اقوردادا مەملەكەتتەر باسشىلارى جوعارى دەڭگەيدە كەلىسسوز جۇرگىزىپ, ەكىجاقتى ىنتىماقتاستىق پەرسپەكتيۆاسىن تالقىلايدى.
