فوتو: كولىك مينيسترلگى
ۆيتسە-ءمينيستردىڭ ايتۋىنشا جوبانىڭ تاپسىرىس بەرۋشىسى – «قازاقستان تەمىرجولى» ۇلتتىق كومپانياسى, ال مەردىگەر ۇيىمدار جەرگىلىكتى اتقارۋشى ورگاندار تاراپىنان ۇسىنىلعان.
«قازىرگى ۋاقىتتا 100 نىسان بويىنشا جوبالىق-سمەتالىق قۇجاتاما مەملەكەتتىك ساراپتامادان ءوتىپ جاتىر. قىس مەزگىلىنە دايىندىق قامتاماسىز ەتىلگەن. جولاۋشىلارعا ارنالعان ۋاقىتشا قۇرىلىستار مەن كۇتۋ ايماقتارى ءازىر.
124 نىساننىڭ 121-ىندە قۇرىلىس-مونتاج جۇمىستارى جۇرگىزىلىپ جاتىر. ال قالعان 3 ۆوكزال بويىنشا تاريحي-مادەني مۇرا نىساندارى رەتىندە عىلىمي-زەرتتەۋلەر جالعاسىپ جاتىر, سول 3 نىسانعا جوندەۋ 2026 جىلى جۇرگىزىلەدى», دەدى ۆيتسە-مينيستر.
ونىڭ ايتۋىنشا ۆوكزالداردىڭ شامامەن 70%-ى وتىز جىلدان استام ۋاقىت بويى جوندەۋ كورمەگەن. تەحنيكالىق تەكسەرۋلەر ناتيجەسىندە كەيبىر تىرەۋىش باعاندار مەن جەكەلەگەن كونسترۋكتسيالاردا ارى قاراي پايدالانۋعا جارامسىز اقاۋلار انىقتالعان. وسىعان بايلانىستى 42 نىسان تولىقتاي بۇزىلىپ وتىر.
«بيىل 80-نەن استام ۆوكزال پايدالانۋعا بەرىلەدى. جەرگىلىكتى اتقارۋشى ورگاندار مەن مەردىگەر ۇيىمدار قۇرىلىس-مونتاج جۇمىستارىنىڭ قارقىنىن كۇشەيتۋى قاجەت», دەدى ول.
