فوتو: اشىق دەرەككوز
كەزدەسۋ نيدەرلاندتاعى ودەنزال قالاسىندا ءوتتى. قازاقستان قۇراماسىنىڭ قاقپاسىن «قايراتتىڭ» جاس قاقپاشىسى شەرحان قالمىرزا قورعادى. ول بىرنەشە قاۋىپتى ساتتەردە كوماندانى گولدان قۇتقارىپ, ماتچتىڭ باستى قاھارماندارىنىڭ ءبىرى اتاندى. جالعىز جانە جەڭىستى گولدى الماتىلىق شابۋىلشى ازامات تۇياقباەۆ سالدى.
ويىننىڭ سوڭعى مينۋتتارىندا, اتاپ ايتقاندا 90-مينۋتتا, قورعاۋشى كاريم مۇحامەتجان الاڭنان قۋىلىپ, قازاقستان قۇراماسى كەزدەسۋدى از قۇرامدا اياقتادى.
ەندى قازاقستان قۇراماسى 15 قاراشا كۇنى نيدەرلاند قۇراماسىمەن كەزدەسەدى. ال سوڭعى تۋردا, 18 قاراشادا, كيپر كومانداسىنا قارسى وينايدى. ايتا كەتەيىك, نيدەرلاند ءبىرىنشى تۋردا كيپردى 7:0 ەسەبىمەن ويسىراتا جەڭگەن بولاتىن.
جانكۇيەرلەردىڭ ەرەكشە سۇيىسپەنشىلىگىنە يە بولعان شەرحان قالمىرزا بۇگىندە ەلدەگى ەڭ تانىمال فۋتبولشى اتاندى. «قايراتتىڭ» 18 جاستاعى قاقپاشىسىنا الەۋمەتتىك جەلىلەردە 350 مىڭنان استام ادام جازىلعان.
